43
2
1
以上資料只供參考, 請與餐廳確認詳情
食家推介
紅磡呢個區除左上海野多車仔麵都好多其中兩間幾出名仲要係黃店原本中學之後就無乜點食過車仔麵但見威風百麵話執粒我地又過左黎食係舊店執前兩個星期過左黎食星期六兩點黎到大約等左廿五分鐘先入得牆上玻璃鏡印左好多字地方細細仲要得半張檯所以係幾迫既連擺袋既位都無有自選餐牌同指定餐牌仲有自家製甜品送選擇困難緊係要指定項目牛魔王已經有5個餸有牛肚牛太牛腩牛筋都係47蚊抵過自選好多加埋秘製辣汁同腩汁成個湯就好濃好豐富比我想像中好食得多因為我記憶仲係維持係廿幾年前觀塘麵神果個年代而且都只係47蚊貴少少既威風百麵就再多幾樣餸個拉麵好食過我果份油麵糖心蛋又好過唔少拉麵舖就唔可以話佢比個甜品吸引但甜品絕對係呢間威風百麵獨特之處木糠布甸好食埋單岩岩好一舊水除左野飲之外真係樣樣都無得輸尤其係牛魔王我諗以後再黎都唔需要再諗食咩好難怪咁多人排隊我同老婆都一致覺得呢間好食過蒙面舖頭12月結業而家已經係附近開左新店不過就仲未食過
繼續閱讀
1.魷魚加牛丸米線（湯底：秘製辣汁）魷魚係好爽口，量都有成六條至七條魷魚鬚，個味都好夠，好濃辣汁，勁入口，而牛丸就正正常常咁，個米線都煮到岩岩好，最鐘意就係湯底，係夠哂辣，個秘製辣汁，係好香好濃！2.豬紅加南乳豬手米線（清湯加沙嗲汁）豬紅係入味，而南乳豬手都非常之淋，南乳味就唔係太濃，米線底叫左淋啲，又真係會整到出黎，見到服務態度都好好！3.焦糖燉蛋每碗車仔麵都會送一個甜品，焦糖燉蛋係需要加$3，但好值得畀，係好香濃，啲燉蛋都好滑！4.木糠布甸另一個甜品就叫咗木糠布甸，都係好好食，叫左一碗40蚊左右嘅車仔麵，都送一款甜品真係冇嘢可以挑剔！
繼續閱讀
食車仔麵送自家製甜品💛.講起紅磡車仔麵，好多人會諗起蒙麵，但次次都起碼排半個幾一個鐘先入到餐廳🥵太陽伯伯瘋狂招呼到你濕晒⋯⋯其實區內仲有其他好有心好努力經營嘅車仔麵小店要大家支持，仲要係黃店添💕💕你幾可見過車仔麵店有西式甜品，仲要係送嘅？🤩淨係呢點都已經勁開心.1️⃣威風百麵（$53）初嚟甫到試試佢招牌威風百麵，$53有八樣餸性價比極高，分別有豬大腸/腩肉/墨魚丸/冬菇/順德魚腐/溏心蛋/雞翼/時蔬，麵湯揀咗秘製辣汁油麵。豬大腸有肥膏滷得入味，腩肉炆得腍，好夾個辣汁，冬菇就一般，魚腐索晒湯汁又有魚肉口感勁正，溏心蛋嫌佢唔夠溏心但整體都幾香濃蛋味，墨魚丸雖然係來貨，但浸淫喺湯底之後都食到湯嘅甜味同辣汁融合得唔錯🍜見到咁多餸都開心啦.2️⃣甜品（大部分款式免費）呢個先係重點！！每日隨機有以下款式：法式燉蛋（+$3）/木糠布甸/Oreo木糠布甸/Tiramisu/朱古力mousse/抹茶紅豆奶凍/椰皇三重奏/3.6牛乳奶凍我揀咗Oreo木糠布甸，其實味道上係好expected Oreo碎加奶油布甸味，但成個「食車仔麵送甜品」呢件事的確會令你食得好滿足好開心，我好鍾意佢每一盒甜品都貼咗自己設計嘅貼紙，上面寫住「have a nice day😊」有心機又令睇嗰個窩心，師奶仔們同單身🐶必去！🍰.雖然佢嘢食方面唔會話驚艷到你嘩一聲，但我覺得呢度賣體驗多啲～大家要嚟支持下！.性價比：🌕🌕🌕🌕🌕美味度：🌕🌕🌕🌕🌑獨特性：🌕🌕🌕🌕🌗
繼續閱讀
利申左先，自問食得同麻同辣，譚仔中辣，同埋無咩野立場，純粹中意食麻辣同寬粉，成個紅磡都會搵出黎試叫左個＂麻辣手撕雞撈寬粉＂外賣，膠袋餐具包裝靚仔，好有heart咁講重點佢個醬我一開始話要＂中辣＂，佢話無架喎一早整定左個味。好啦咁你咁有自信就試下個醬係係底，所以都無得你避開用幾多，撈撈埋埋都算有小小乾身但係真係，非常之咸，好咸好咸，同埋麻辣味真心唔出，整體係咸>＞＞＞＞麻寬粉亦唔係彈牙，煮到非常淋，覺得係透明嘅河粉，好失望！！食左兩啖，已後悔撈埋雞絲，雞絲都咸到乜咁，食左一半棄了，好在係用消費卷個免費甜品d人講到有幾咁好食，係黃色蓋，Fine，我希望你好食啦，唔係講個蓋，係tiramisu一食，咩事呀？？？？？點解隻匙羹入面有水？好癲囉！！！係tiramisu水呀！！！搞乜野呀？？？？我倒左落張紙巾俾大家睇下，係啡色水黎痴線，我依加已經嬲爆，好難食嘅撈寬粉同甜品，以後都唔會再黎，唔會推薦任何人以上句句屬實，我係11-8-2022買嘅金玉其外敗絮其中。
繼續閱讀
早幾個月時有幫襯，是因為食物質素不錯，但近幾次便當的質素越來越差，不只炸雞的炸漿厚，而且炸到好黑，難以入口，又柴又無肉食。廚師咁樣煮出黎比人客食，太離譜了吧？！趕客！
繼續閱讀