四季良晨 (新都城中心) (已結業)

肥雞好耐都冇入過 寶琳，今次去咗新都城一期去試下呢一間四季良晨嘅台灣菜，之前肥雞有朋友仔去試過，話佢有一個定食嘅份量好大，但係都係七十零蚊，非常之抵食，仲有佢舖頭隔離有一台式飲品嘅外賣店，可以喺舖頭入面嗌埋，聽聞佢啲芝士奶蓋唔錯， 講到咁好味肥雞心旭旭又走去試下啦，咁肥雞呢就嗌咗個炸花枝丸，桂花雞翼同埋炸餃子， 咁佢個炸花之丸呢，啲花之好爽口，用料十足，桂花雞翼呢,其實係普通雞翼在,,點啲桂花醬甜甜地，口感幾特別，至於個煎餃子就普通啦 ，咁肥雞就嗌咗個鹽酥雞滷肉飯，仲送埋蟲草雞湯同埋娃娃菜 ，分量真係非常之巨，咁朋友就嗌咗個炸豬扒養生麵， 個面嘅湯底係藥膳排骨湯底，朋友話好好食