客家人

晚上七點入鋪叫外賣，冇其他人等，服務都唔錯，有招呼有禮貌。都煮得耐耐地，即炒，有heart 嘅。

四個人，叫咗四餸一湯，二個白飯，一個炆米，味道係好，但份量有啲少，人均163，長沙灣泥講有啲貴。

魚香茄子炆米

味道不錯，茄子比較大塊，但都好入味，好淋，炆米都夠濕

椒絲腐乳唐山菜
略嫌太多油，不過油多先好味

客家炆豬肉
味道好好，配料有冬菇，芹菜同腐竹。個樣係醜但好入味，肥肉切得有啲細粒，送飯一流。

椒鹽九肚魚
算大塊，但好少塊，128蚊，真係太少

客家小炒
好少肉，最唔抵食

胡椒豬肚湯
味道好濃味，豬肚好爽