一鍋堂 (大鴻輝(荃灣)中心) (已搬遷) 新店位置

想出街打邊爐，自然諗起一鍋堂，任叫任飲任食，每人200蚊有找😙，最緊要食物質素有保證，去過旺角店幾次，今晚試下荃灣店。入座前先叫咗藥膳煲，坐好用電話落單，跟住出去攞菜，攞嘢飲，自己調製調味料。藥膳湯底有杞子，黨參，當歸，紅棗，雞肉，蒜子，京蔥，薑片，補氣補血，飲咗啖湯，感覺好補海鮮肉類樣樣叫啲，爽脆鯇魚片，白鱔片 ·雞件，仲有比較少有嘅豬肺，淋淋地，好好食海蝦，聖子，海蝦唔係流嘅，好彈牙帆立貝，蜆，夠新鮮真係花膠，牛肉，嚟呢度一定要嗌花膠，好大塊， 好多骨膠原 牛肉滑溜黑豚肉，好快有得食，一啲都唔韌肩胛肉眼，鴨血，胡椒麵，呢度啲胡椒麵係自家製，每次必叫，煙煙韌韌，又帶點胡椒味，第二度冇得食手打三寶丸，手打墨魚滑， 打邊爐又點少得呢兩樣，好鍾意食手打丸， 靈舍彈牙好味仲有自助沙律吧，雪糕，基本上同旺角店嘅佈局，食物質素都差不多。一個價錢， 唔使怕 over budget，叫嗰陣時唔使就住就住，好暢快而我哋都同去旺角店一樣，次次都食到捧住個肚走大鴻輝裏面有好多食肆，記住要預啲時間排隊搭𨋢。