台酒鍋 (已結業)

台酒窩最近好多人去，即刻約咗朋友仔去開餐！呢度有唔同嘅台式湯底，我哋揀咗沙茶豬筒骨鍋。湯底味道濃郁，我哋唔使點醬料都好ok。食Level 4 套餐，就係為咗食勁多海鮮同埋A5北海道和牛，油脂好豐富；牛板腱同埋牛小排都好正，牛味重！海鮮都係任食，大蝦真係大大隻，肉質結實；帶子都大隻，煮完都唔縮水太多。打邊爐唔少得響鈴同埋炸魚皮，兩樣質素都唔錯。除咗牛肉，自助火鍋區都有啲配料可以拎，不過選擇唔算太多，我哋主要食咗啲菜同埋丸。雪糕有甜筒同埋Movenpick飲食，可惜今日飽到食唔落😂 下次再戰！