172
5
3
港鐵油麻地站 A1 出口, 步行約2分鐘
繼續閱讀
營業時間
星期一至日
12:00 - 23:00
以上資料只供參考, 請與餐廳確認詳情
食家推介
相關文章
坐落於彌敦道嘅地庫，一落樓梯就見到台式郵筒，彷彿有短暫出走台灣嘅感覺。😍😍餐廳環境四正，裝修色調鮮明，座位寬敞舒適。自助火鍋區五臟俱全，基本醬料、配料齊全，凍櫃除咗有基本火鍋配料，仲有驚喜八吋超長蟹柳，蔬菜款式都豐富，仲有羽衣甘藍！🥬配料櫃另一邊仲有數十款飲品，除咗罐裝飲品之外，鍾意飲熱茶嘅都可以自己揀茶包沖，試咗玫瑰四季春茶，清清地又可以消濟👍🏻揀咗招牌沙茶豬筒骨鍋，超級無敵大嚿豬筒骨，配濃烈嘅湯底，就咁齋食舊肉已經好滋味！😙😋湯底係越滾越濃烈，如果鍾意食濃少少嘅話就可以唔使咁早加水，想清少少就可以食到一半到就加水😇🥢美國Prime Grade牛肩胛肉質會鮮嫩一啲，好有牛肉嘅香氣，沙茶湯底同牛肉真係絕配，濃烈嘅湯底又唔會太遮蓋牛肉嘅味道🤩🥢嫩滑鮮滑牛肉質真係好嫩滑，冇經過任何醃製，就算滾耐左都唔會好鞋🫶🏻🥢美國Prime Grade牛板腱筋會相對多少少，鍾意食有咬口啲嘅牛肉就岩，滾大概10秒到，可以食了，因為都切到好薄身，同個湯底好夾，索左味之後基本上都唔使再點醬汁😋🥢鬼馬老油條 <必食>仲有好多唔同嘅台式炸物，呢個真係第一次食同埋好驚喜，喺油條上面養咗蝦滑，一咬落去係蝦既鮮味，再有外層脆卜卜油條，口感好特別，一定要趁熱食！🍤🤪🥢府城蝦捲腐皮外層好薄，入邊全部都係蝦肉，炸嘅時間啱啱好，外皮咬落去仲係軟熟，入邊啲蝦肉嫩滑！🍤🥢牛滑用大量嘅牛肉手打而成，唔會話打得好衰，咬落去有牛肉嘅鮮味，又有彈性🥩🥢八吋長蟹柳必食之選！原條都係用蟹肉做，食落好鮮味，仲要好彈牙，冇混合粉質😎🥢粉圓奶茶一見到有奶茶已經即刻心心眼，仲有黑糖同埋原味，原味就會清淡少少，黑糖就會香氣重啲，佢落既粉圓唔係珍珠，飲落好爽滑，又唔會太甜！😙🥂
繼續閱讀
位處於地庫嘅台酒鍋🥘，平日$468就可以任食日本A5北海道和牛🐂、西班牙伊比利亞黑毛豬🐖、紐西蘭羊肩肉🐏，加上多達40多款海鮮🦐、火鍋配料、台灣小食🍢、各類飲品🧃都係任飲任食，最緊要仲有MOVENPICK雪糕🍦都係任食，作為雪糕控嘅我即刻心心眼咗😍!! 店內裝潢都花咗唔少心思，好有台灣特色，仲有許願牆💌俾你掛起願望添！·湯底🍲有多款選擇， +$38仲可以揀選鴛鴦湯底，同朋友每人揀咗一款湯底，人蔘雞湯🐥 x 酸菜白肉鍋🐖，人蔘雞湯真係有成大枝人蔘🤩喺裡面，好滋補！而其他湯底都好特別，好似 姜母鴨鍋、臭臭鍋、肉骨茶湯等，食多幾次就可以試哂咁多款喇😚。·嚟得打邊爐就梗係要盡情地食肉肉🥓啦，個人推薦肉肉必食日本A5北海道和牛🐂、陸奧和牛🐃，粉粉嫩嫩而且紋理勁靚，肉質軟嫩，入口唔會有渣，牛肉味道香濃👍🏻，要encore好多碟先至大滿足！而呢度嘅深海大虎蝦🦐係勁大隻嗰種，有成隻手掌咁長🤩!! 肉質彈牙厚實；仲有蟹籽蝦滑都係必點，係真係有真蝦肉釀成㗎😋；廣島蠔🦪淥熟都唔會縮到好細粒，蠔肉幾飽滿。·台灣小食方面，推薦和牛串燒🍢、鹽酥雞、府城蝦卷等，而自助區仲可以任夾數十款火鍋配料、自取飲品更有平時較少見嘅罐裝珍珠奶茶🧋；咁多野食，每樣食一件都已經好飽好滿足啦🥰！·📍台酒鍋旺角彌敦道568-567號銀座廣場LG樓
繼續閱讀
朋友訂了位於旺角銀城廣場的📍台酒鍋共我吃火煱，由於餐廳位於地牢的關係所以不易察覺得到。沿著樓梯下去映入眼前的是一個型格的裝修門面，店內很新淨整潔光亮，色彩繽紛非常colorful，並有許願牆很富有特色，而且服務員態度友好親切。👍這裏點菜用QR code下單既方便又快捷清晰，店裏的一偶還有很多台灣的特色食品可供選購。😘火煱共有四個 level 可以選擇 ，今日點了level 2來試。湯底亦有九個可選，揀了推介的沙茶豬筒骨鍋，除豬筒骨外娃娃菜、蜂巢、豆腐、粟米、豆卜等，用微辣的沙茶醬為湯底味道很爽。😋💢幾款肉類質量很好，🐂prime grade牛板腱， prime grade 牛肩胛，兩者都肉爽夠牛味。牛胸爽真夠爽脆煙韌口感特別。🐖Batale 白豚肉，豬肉味濃。🐐紐西蘭羊肩肉沒有羊羶味。所有肉切得夠薄紋理清晰一灼就熟，吃完一片又一片真停不了口。🤗💢台式小食方面有：🐔士林鹽酥雞、黃金地瓜條、甜不辣、香脆雞腿捲、府城蝦捲、黃金芋泥球等……其中香濃榴槤炸彈，外脆內裏榴槤味濃。鬼馬老油條，外皮鬆脆內裏包著蝦肉非常惹味，配黑松露沙拉醬和BB辣仔沙拉醬同吃滋味一流。😋💢另外放在白烟皓皓冰櫃的火鍋配料亦是應有盡有，魚皮、響鈴、魚皮餃、餃子……蔬菜瓜果種類都很多亦很新鮮。💢飲品方面除了平常的汽水之類外，更有很多款台式的飲品，平時的火鍋少飲得到，值得試吓。💢最後飽餐一頓後吃一杯movenpick雪糕，冰涼消滯一流。👍🔷️今餐雖然只是點了level 2 吃，但都食物已相當豐富且又有質素，感覺很好性價比高，是一個十分滿足的經驗，下次定會再來光顧另外級別的美食。
繼續閱讀
朋友介紹到台酒鍋打邊爐🥢，位於旺角彌敦道565-567號銀座廣場LG樓， 地點很方便。 店內環境雖小，但五臟俱全， 食物種類多， 座位舒適。 有四款任食套餐可以選擇，我揀了$288套餐📍，鍋底係鴛鴦鍋 ～ 臭臭鍋和蕃茄鍋。 🔸臭臭鍋和蕃茄鍋🥘 ～ 臭臭鍋味道辣辣地， 開胃惹味。 蕃茄鍋酸酸甜甜， 適合大眾口味。 🔸火鍋配料🥩🥓🥬 ～ 自助區有菜類、丸類和飲品，亦可用 QR Code 落單。我點了美國Prime Grade牛板腱、美國Prime Grade牛肩胛、西班牙白豚肉、紐西蘭羊肩肉、爽脆牛柏葉、牛胸爽、 嫩滑鮮滑牛、手打黑松露花枝滑、手工芫茜鮮牛滑、香茜魚皮角和鬆脆響鈴卷。我喜歡牛板腱😋，肉質相當細嫩有油花，牛味濃。 仲有必點牛胸爽🤤， 非常爽口。如果唔食牛肉，可以選擇白豚肉或羊肩肉， 味道一樣不錯✌🏻。丸類和菜類的款式都好多， 我推介蟹棒，幾鮮味。 熟食方面我推介香脆雞腿捲和府城蝦捲， 兩者都香口美味。 另外記得留肚食雪糕🍦， 因為我太飽，所以沒有吃了。 餐廳主打台灣地道特色湯底及風味食材， 推介給喜歡台灣火鍋的朋友😊。🏷️溫馨提示～ 整個用餐體驗均屬個人分享意見， 只作參考😊。
繼續閱讀
有次爸爸飲茶經過，見到招牌啲相話好想食，我咁孝順，就一於訂位同佢試吓！台酒鍋 Taiwan Drunk Pot 位於旺角彌敦道，爸爸飲茶成日經過，地庫招牌突出，吸引他眼球。整體裝修整潔，座位舒適，QR CODE 點菜快捷衛生，任點任食，主打台式火鍋，湯底選擇多，店員服務態度又好，值得一試！正價 $358 火鍋 Level 3 套餐最終我地選擇正價 $358 Level 3 套餐，食物款式非常豐富，任飲任食。可以無限添食：美國 Prime Grade 牛肩胛、牛板腱、牛小排；西班牙Batalle白豚肉、西班牙伊比利亞黑毛豬；紐西蘭羊肩肉；海鮮；仲有多種丸類、餃類。選擇困難症 有9款湯底，都係鴛鴦湯底 +$40 最穩陣，可以食到兩款唔同特色風情，麻辣鴨血鍋 小辣，鴛鴦配搭臭臭鍋。湯底好有台式風味的臭臭鍋，味道臭臭夠惹味帶點微辣。麻辣鴨血鍋 小辣好刺激，鴨血全部大大件，湯底味道夠濃郁，又麻又辣，夠多香料，份量都幾多。還有自助吧區，火鍋醬料、配菜、雪糕、台灣飲品、仙草、珍珠系列飲品、蔬菜一應俱全。既然一場嚟到，爸爸話我想飲台灣特色啤酒，一於每位加$48 台灣啤酒任飲，陪佢放縱一下。芒果啤酒、茘枝果微醺啤酒🍻金牌台灣啤酒（瓶裝）好爽！美國 Prime Grade 牛小排，肉質柔軟細嫩，牛味濃，油花豐富。牛肉灼幾秒就食得，牛味濃郁，大部份肉質比較嫩滑，入口軟腍都唔錯。台式小食必食推介！府城蝦捲(必食）、台灣老油條、鬆脆響鈴卷、鬼馬老油條(必食）、香脆炸魚皮、香濃榴楗炸彈、黃金地瓜條、士林鹽酥雞。炸得酥脆香口、餡料十足，好味啊！海鮮好肥美好鮮甜，有驚喜！特別推薦：巨大帆立貝、廣島生蠔、爽甜沙白蜆、深海大虎蝦必食推介！爽口彈牙，蝦味濃！手打黑忪露花枝滑(必食）！最後食埋甜品，竟然可以任食 movenpick 雪糕，士多啤梨🍓真係好清甜。總括環境和服務都不錯，座位舒適，抽風好，下單上菜速度很快，海鮮食物比想像中高質，湯底有驚喜，油麻地 港鐵站 步行2-3分鐘左右到達，非常方便。
繼續閱讀