蝦蝦燒 (已結業)

平時最鍾意食放題嘅我今次帶埋朋友去食下流水蝦放題，位於荃灣這間（蝦蝦燒）餐廳環境寬敞，食物及飲品擺放得整整齊齊，每張枱旁邊都有個流水道放滿蝦，想食幾多就夾幾多，隻隻都扎扎跳新鮮生猛。場外亦有大量海鮮、肉類、蔬菜、熟食、雪糕、飲品和啤酒等非常豐富。海鮮包括有帶子、扇貝、三至四款原條魚、東風螺、鮮魷魚和蜆，海鮮洗得好乾淨亦都好新鮮，可以按照個人喜好加入調味去燒，味道更加提升😋肉類包括有牛仔骨、豬扒、羊架、羊肉粒、雞翼、雞腎同雞肉，肉類有啲醃製過所以不用任何調味就咁食就得。蔬菜類有翠玉瓜、日本番薯仔、粟米、菇類、矮瓜和金菇，全部切好晒方便燒👍仲有多款腸類和丸類選擇，好多嘢食好豐富！飲品亦有汽水、涼茶。健康飲品及啤酒👍最後食埋雪糕呢一餐好滿足😋