協奏坊西餐廳 (已結業)

昨天星期一晚用 openrice coupon 去這間 協奏坊西餐廳 以大約 300元食自助餐, 餐廳近奧運地鉄站, 餐廳晚上自助餐全場滿座, 大約一百多人, 行左一圈，發現食物唔多，有基本既生蠔、海鮮、湯、烤肉、壽司魚生、少量熟食、甜品。生蠔勁細隻，只有3吋長，蠔肉細。長腳蟹腳肉質細嫩而有鮮味，凍蝦細隻，蝦肉好爽，麵包蟹蓋好多膏，蟹身有鮮味，青口細隻，翡翠螺大隻全晚海鮮不停補充，白汁煮蜆好食，生蠔、海鮮是新鮮。刺身得希靈魚、八爪魚同三文魚，刺身、壽司算是新鮮。湯有兩款，中湯同羅宋西湯，普通味道。烤肉有羊肉、牛扒、豬扒同香腸，普通味道。係movenpick，有朱古力、雲呢拿、士多啤梨芝士餅三款味，雪糕唔會死硬，好易就挖到出黎，口感細膩、甜度適中的味道，以大約 300元食生蠔和海鮮自助餐算是超值。