影片
更多
2017-08-21
4805 瀏覽
最近去咗一間新開嘅過江龍餐廳，本身朋友叫我去我都唔係太想去，因為見到OpenRice好似「伏味濃」，因為啲Foodie影相真係唔太吸引，感覺好似係扮高級嘅廢野⋯不過算啦，見價錢合理就同朋友幾個一齊來，餐廳安排左我哋坐「榻榻米」，隻腳伸得唔舒服但係另有一番風味。經過一番篩選之後，就揀咗幾款比較有特色或者性價比高嘅食品。煙肉芝士奶油意大利麵二人＄128依個真心好得意，佢本身有一個熱住咗嘅意粉，火候啱啱好所以最尾食落都唔會太林。有一舊好似石爐嘅嘢其實就係芝士，喺裏面攪拌一下就會黏咗好多芝士上嚟！上碟嘅時候仲有埋蝦仁同埋好多芝士汁，蝦仁就夠晒爽口，仲要個意大利麵啱啱好配搭埋芝士味道一流，絕對值得一試，口味好濃郁。豬軟骨醬油拉麵＄88相對啱啱個意大利麵，豬軟骨拉麵就冇咁特別，不過裏面都有好多材料包括紫菜，香蔥，木耳，溫泉蛋，筍和粟米粒等等！湯底雖然係普普通通嘅醬油，但係我個朋友竟然飲晒（佢好鍾意味精😕）拉麵嘅質感就冇咩特別，一方面，性價比唔算特別高，但勝在食完飽肚。明石燒風雞蛋卷＄58睇落平平無奇，一睇側面就知道做得好好，雞蛋嘅甜甜地，但係唔係砂糖（我）嘅味道，我想甜係非常之自然，而且口感非常滑
不過算啦，見價錢合理就同朋友幾個一齊來，餐廳安排左我哋坐「榻榻米」，隻腳伸得唔舒服但係另有一番風味。
經過一番篩選之後，就揀咗幾款比較有特色或者性價比高嘅食品。
煙肉芝士奶油意大利麵二人＄128
依個真心好得意，佢本身有一個熱住咗嘅意粉，火候啱啱好所以最尾食落都唔會太林。有一舊好似石爐嘅嘢其實就係芝士，喺裏面攪拌一下就會黏咗好多芝士上嚟！上碟嘅時候仲有埋蝦仁同埋好多芝士汁，蝦仁就夠晒爽口，仲要個意大利麵啱啱好配搭埋芝士味道一流，絕對值得一試，口味好濃郁。
豬軟骨醬油拉麵＄88
相對啱啱個意大利麵，豬軟骨拉麵就冇咁特別，不過裏面都有好多材料包括紫菜，香蔥，木耳，溫泉蛋，筍和粟米粒等等！湯底雖然係普普通通嘅醬油，但係我個朋友竟然飲晒（佢好鍾意味精😕）拉麵嘅質感就冇咩特別，一方面，性價比唔算特別高，但勝在食完飽肚。
明石燒風雞蛋卷＄58
睇落平平無奇，一睇側面就知道做得好好，雞蛋嘅甜甜地，但係唔係砂糖（我）嘅味道，我想甜係非常之自然，而且口感非常滑幾乎入口即溶。有少少爭食囉搞到
天婦羅盛盒$78
原本朋友話要食天婦羅，我都唔想叫，
我心諗：放題都有得食啦，A La Carte究竟要來做咩，唔好嘥錢！！
好，唔緊要，少數服從多數，最尾叫咗個天婦羅！
上來的時候最特別嘅就係平時天婦羅個汁係凍嘅，但係呢間助熱阻天婦羅醬汁同埋本身盛裝的器皿，所以唔會令食物一點汁就變凍，認真細心。
仲有平時D蝦已經係完全唔新鮮，因為已經飛晒水完全冇蝦味，得個爽口⋯
不過呢間又係用咗新鮮嘅蝦，咬落去非常之爽口有彈性，外皮唔係一早製造的！所以＄78都係好抵食嘅。
沖繩青檸秋海$46
沖繩芒果秋海$46
朋友成日都笑呢個飲品「秋海」叫做「臭Hi」⋯（個日文拼音）
既然好似冇酒精我哋就叫黎試吓，我個青檸味都幾香濃，飲落去非常之清新味道唔錯，大大杯慢慢飲，估唔到咁抵食仲要咁好食，完全唔中伏，唔怪得連外國人都過嚟，特別係鍾意食日本野嘅人唔食一次真係對自己唔住囉😵
張貼
