影片
更多
2021-07-06
579 瀏覽
小弟係一位行內人，一向做果行就厭果行，最討厭食西餐，法餐就更反感，因市面上好多法餐，服務同食物品質都對唔住價錢，所以小弟對法餐要求就更高。今日女朋友生日，就破例食一餐。首先今日入坐已經19:30 餐廳都坐左8成，小弟對餐廳門口嘅旋轉門特別有喜感，餐廳內裝修非常華麗，接近完美，侍應們非常有禮貌，坐低後都有介紹餐牌，我地都選擇好兩個set dinner 。首先食左個包，都過得去啦，正常野。頭盤-田螺，咸左少少，香草味過濃。湯-法餐就緊係食凍湯，番茄味濃，但洋蔥味太勁，辣左啲，整體可以接受，係開胃嘅。主菜-點左個牛柳同埋鴨肝雞卷。牛-慢煮5成完美，燒汁濃，絕無麵粉味，整體完美。雞-特別欣賞夠誠實，唔會鴨肝扮鵝肝，雞卷都係慢煮過，熟成剛好，汁水方面主要內有羊肚菌同埋牛肝菌，味道可以，但羊肚菌件件咬落都有沙，請多加注意！另外就係，主菜熱盤碟溫度唔夠，出到黎食物好快凍，一落台，我已經即刻摸，只暖，1分鐘後已變室溫，呢樣要執正啲，出餐到客人台上，碟溫度最少要有70度，因為一個低級錯誤，而浪費一樣美食，幾咁可惜。甜品-蛋白餅，做得幾好，感覺清新，我個人覺得甜左少少，整體都唔錯！焦糖燉蛋-正常，冇咩可挑
首先今日入坐已經19:30 餐廳都坐左8成，小弟對餐廳門口嘅旋轉門特別有喜感，餐廳內裝修非常華麗，接近完美，侍應們非常有禮貌，坐低後都有介紹餐牌，我地都選擇好兩個set dinner 。
首先食左個包，都過得去啦，正常野。
頭盤-田螺，咸左少少，香草味過濃。
湯-法餐就緊係食凍湯，番茄味濃，但洋蔥味太勁，辣左啲，整體可以接受，係開胃嘅。
主菜-點左個牛柳同埋鴨肝雞卷。
牛-慢煮5成完美，燒汁濃，絕無麵粉味，整體完美。
雞-特別欣賞夠誠實，唔會鴨肝扮鵝肝，雞卷都係慢煮過，熟成剛好，汁水方面主要內有羊肚菌同埋牛肝菌，味道可以，但羊肚菌件件咬落都有沙，請多加注意！
另外就係，主菜熱盤碟溫度唔夠，出到黎食物好快凍，一落台，我已經即刻摸，只暖，1分鐘後已變室溫，呢樣要執正啲，出餐到客人台上，碟溫度最少要有70度，因為一個低級錯誤，而浪費一樣美食，幾咁可惜。
甜品-蛋白餅，做得幾好，感覺清新，我個人覺得甜左少少，整體都唔錯！
焦糖燉蛋-正常，冇咩可挑剔。
有一點係食野時唔係咁享受既就係侍應係出菜位分餐具時發出嘅餐具碰撞聲音，有啲令我皺眉。
成餐飯總體黎講，呢個價錢唔貴，食物有質素，但法餐或fine dining既細節要做好啲，一間咁靚既餐廳，食物又好食，無理由輸左係啲基本細節位度，我會回頭再黎用餐，到時希望能享用達到完美嘅晚餐！
6 瀏覽
0 讚好
0 留言
10 瀏覽
0 讚好
0 留言
9 瀏覽
0 讚好
0 留言
9 瀏覽
0 讚好
0 留言
10 瀏覽
0 讚好
0 留言
張貼
