東方素

營業中

休息中

特色素黃魚呢條數黃魚有幾種唔同嘅醬汁可以揀，我今次就揀咗五柳汁，我雖然唔知乜嘢係五柳汁，但係出嚟味道到好似甜酸汁，味道酸酸甜甜好開胃。佢用齋排成一條魚嘅形狀，都好真，佢係用紫菜包住腐竹，再攞去油炸,，面層嘅紫菜脆卜卜，入邊嘅腐皮非常之嫩滑，賣相加味道，都非常之好。蜜醬叉燒呢個蜜汁叉燒非常之出色，佢用一個透明嘅圓碗裝住啲叉燒，一層一層咁砌上去，望上去雖然好細個， 但係好似食極都食唔到落底咁，好特別。佢個叉燒面放咗少少黑梅，令啲叉燒有種獨有嘅香味，佢做到同真叉燒好似，表皮帶少少焦香，好有叉燒嘅蜜糖味，食落去都好有咬感，呢個叉燒好好食。