Infiniti C (已結業)

上完韓文堂就去左呢間位於堅尼地城嘅咖啡店食午餐。呢間咖啡店嘅主打係純素蛋糕同無糖蛋糕，另外仲有提供幾款健康輕食～今次我就order左素肉醬意粉、茉莉花綠茶同蝶豆花伯爵茶蛋糕～素肉醬意粉蕃茄味香濃，味道比較清淡，加左火箭菜，味道更顯清新，食曬成碟都唔會有飽滯嘅感覺！茉莉花綠茶充滿花香，而且成壺有好多，都幾抵飲！至於呢餐嘅精髓就係蝶豆花伯爵茶蛋糕！呢個蛋糕真係做得好出色，雖然係純素蛋糕，但食落同食緊普通蛋糕無咩分別～蛋糕質地好鬆軟，忌廉幼滑，啖啖伯爵茶香味，真心好好食！下次去要試多幾款蛋糕先得！