88
33
12
港鐵堅尼地城站 C 出口, 步行約2分鐘 繼續閱讀
所有分店 (3)
電話號碼
34604996
營業時間
今日營業
08:00 - 21:00
星期一至日
08:00 - 21:00
付款方式
Visa Master 現金 八達通 銀聯
其他資料
電話訂座
食評 (153)
等級8 2021-03-14
3024 瀏覽
小弟本身咩都食,除咗太辣之外,基本絕大多數嘅嘢都入到口,亦無話有啲咩偏好。托賴,無咩食物敏感呀、糖尿呀、腸胃……等等毛病,所以,餐餐都可以開懷暢「食」。今日有事過到嚟堅離地城,順便一會「Infiniti C」,純粹試吓無麩質、純素、生酮嘅食物而已。從門面,到室內,裝修方面已好有歐洲風,尤其喺門口嘅長櫈及小街燈,期間都見到有啲非幫襯嘅客坐晌度打打卡。走進室內,其實餐廳唔喺好大,以白色為主調,襯以淺灰,顯出一派典雅感。全場都喺矮身梳化椅,舒適好坐。如果一個人嚟,最好就喺窗口位啦,雖然對出喺街景咋,但因為唔會人多車多,而且,每枱都以乾花作點綴,感覺好唔錯。成日講麩質、生酮,究竟喺乜,唔好人講你又講,食完都唔知喺乜,餐牌中就有一頁詳情介紹咗,自己睇睇當長吓知識。雖然,預早就只打算食件蛋糕,飲杯咖啡,但都介紹吓整體嘅餐牌。先講講飲品方面,除咗固有嘅基本飲品外,仲有唔少限定嘅特色之作,不過,小弟屬傳統,襯甜品,都喺鍾情鮮奶咖啡。食物嘅選項又點呢?同樣有好多選擇,先介紹主餐牌,有早餐碗、湯品、沙律、小食、特色多士、奄列、牛油果特色菜……等等,當然,就仲有甜品啦。除餐牌中嘅甜品,水吧旁嘅凍櫃仲放有好多蛋糕,不過,唔好以櫃內嘅蛋糕款式為準,反而,喺櫃上面啲食物名牌先至真,代表有無邊一款蛋糕。此外,仲有一個午市餐牌,共6款選擇,但唔喺套餐嚟,飲品需另外加錢配。整體而言,基於純素、生酮,所用嘅食材都會比一般嘅高,所以,食物嘅定價相對偏高。另一方面,無咩下午茶套餐之類,亦無咩配搭飲品優惠,樣樣都要散點,所以,計起價嚟就咁一杯咖啡、一件餅都要成嚿水多啲!除咗環境甚似歐陸小館之外,連餐紙都好別緻,比起簡單一張白餐紙,呢張跟餐牌嘅藍底配花花圖案喺咪一脈相承呢!Caffe Latte $38佢哋嘅蛋糕定價都偏貴,反而,咖啡嘅定價相對相宜好多。襯甜品,小弟都喺鍾情帶奶成份重啲嘅鮮奶咖啡,基於喺生酮、純素飲食,所以,咖啡都會用一啲杏仁奶、燕麥奶、無糖份嘅豆奶嚟取代牛奶。燕麥奶之前都試過好幾次,用嚟做拉花效果一樣唔差,睇我呢杯,個拉花拉得線紋細緻,左右都算對稱,面面亦無起泡泡;入口口感好均勻,完全唔使攪,唔使落糖,已飲得出嗰份醇香細膩。Blue Earl Grey Cake $72全店嘅蛋糕都喺無麩質,絕對唔怕會有敏感問題,而呢一款帶憂鬱藍調嘅伯爵茶蛋糕算喺鎮店之作,灰藍色嘅「忌廉」之上,再灑咗少少食用花作點綴,賣相甚具少女風。面層嘅「忌廉」及中層嘅「慕絲」都喺以椰子奶製作,而海綿蛋糕則用上糙米粉去做,有別平常嘅麵粉,老實講,質感又真喺分別唔大。混入蝶豆花元素做成灰藍嘅忌廉,雖然味道唔會有咩特別,但口感輕柔軟滑;而下面嘅伯爵茶蛋糕好鬆軟綿綿,中層嘅伯爵茶慕絲亦好幼滑細緻,兩者嘅茶味都好濃郁而突出。近年主打素食、健康嘅食店已經開到成行成市,而主打無麩質、生酮飲食都似乎仲喺起步階段,始終唔同人有唔同需要,相信假以時日,都會有更多呢一類餐廳。 繼續閱讀
星期日晏晝得登過嚟Infiniti C朝聖食個tea,好幸運地即刻有位唔洗等😍 呢度既裝修由門面到室內都好歐洲風,用藍、白、灰色做主調,門口仲有張長櫈同小街燈,有feel💕 入到去,店內既地方唔喺好大,店員安排左窗口位俾我地坐,矮身梳化凳,望住街景好鬼Chill,但唔好既係好多人不斷望住你😂.呢度主打純素、生酮蛋糕! 蛋糕係要出去收銀個凍櫃自己簡的,以櫃上面既蛋糕tag為準!今次就叫咗兩件cake同兩款飲品!.📌伯爵茶蛋糕Blue Earl Grey Cake $72另外有得簡”無麵質伯爵茶蛋糕”,但店員話如果唔係減肥,食普通呢個就okay🤣 對!姐係唔減肥的😤😅 淺藍色既蛋糕既賣相已經一百分,慕絲係用蝶豆花天然色素製成,食落勁絲滑輕盈,係我食過最滑嘅慕絲!上面灑咗少少食用花做點綴,海綿蛋糕好水潤鬆軟,唔會太乾,又唔會好散,食落好輕身!味道帶淡淡Earl grey,整體伯爵茶味個人認為可以再加強少少!.📌Vegan Cake Black Sesame 純素芝麻蛋糕$68呢一款係純素蛋糕,無蛋同奶,食落口感會比較結實,成件食晒有啲飽🤣 但味道同普通蛋糕無分別。蛋糕層次分明,黑芝麻味勁香濃,忌廉香滑,個人認為芝麻比signature 伯爵茶蛋糕更好食👍🏾.📌Blue Earl Grey Latte $52有啲花瓣🌸濃郁既伯爵茶味蓋過咖啡味,但如果食左啖伯爵茶蛋糕先,latte既味又會被蓋過!.📌Nutty salted caramel latte $52杯邊有啲焦糖醬同nuts碎,加強左口感,但可能nuts放左一段時間,有啲up味!咖啡面無起泡,飲到夠滑夠香,味道平衡! 整體黎講,無搶走咖啡嘅香味👍🏾 比Blue Earl Grey Latte好飲! .Overall, 食物價錢屬於中價,但因為佢地用料質素既問題,所以完全明白!出乎意料地好食,其一係,多數打卡嘅地方,好多都係唔好食!其二係,健康既嘢多數都唔好食🤣 所以今次食到又靚又好食又健康既小店,好有驚喜👍🏾 會回頭!.. 繼續閱讀
(以上食評乃用戶個人意見 , 並不代表OpenRice之觀點。)
等級3 2021-07-06
0 瀏覽
2021年7月4日 晴今日朝早同朋友係附近食個早餐, 10:30 去到餐廳冇人, 諗左一陣11:00 佢地就轉lunch menu。佢個lunch set 係包一杯black coffee or tea, 咁我同朋友都揀左茶。落單時店員同我地講因為即叫即整所以會有d 耐, 大約20 min, 咁都正常, ok 啊...點知...荼都幾香, 細細杯, 唔錯。Grilled Kagoshima Pork Chop $168, 呢個等左大約11分鐘就有, 都唔係好耐姐。但個豬超鞋又冇豬味, 同個藍莓醬又好唔夾, 得汁又冇味, 連果肉又甜甜地好奇怪。最好食係個薯蓉, 好重奶味, 但除左釢味咩味都冇Grilled Thai Style Chicken $158, 呢個耐少少, 等左 20 min, 都好正常。但一黎都冇咩擺盤可言, 青木瓜沙律又係一d 味都冇, 個雞以雞脾肉黎講佢又係煎到好鞋, 唯一好ge 係佢個皮都脆脆地, 但係佢燶左, 有陣炭燒燶味Pan-Seared Salmon $168, 呢個勁la, 等左我40 min, 但成間店得我地一枱都等咁耐我都唔知點解la..講佢個味道呢, 個醬荷蘭醬但加左唔知, 個味奇奇怪怪咁。個魚都大件, 但冇咩味again , 不過好在佢都唔腥, 但個皮就唔脆ge。個三條蘆筍粗到呢... 煮到好淋同佢有根ge.. 似平價蘆筍黎。同佢d 裝飾用左玫瑰花瓣一d 都唔靚...好low 總括黎講我覺得呢個質素完全唔配呢個價錢, 佢唔係難食到放唔到入口但真係唔好食.... 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-09
212 瀏覽
-🦄INFINITI C @infiniti__c-VEGAN BOWL Hkd128Rating🌕🌕🌕🌕🌑-二訪堅尼地城分店嘅 @infiniti__c 佢哋仲未轉新餐牌 所以同我上次食嘅都一樣不過都唔緊要 因為我仲有好多嘢都未試架一早Bookmarked咗食呢個Vegan Bowl 純素啱哂我然後我又好想叫多個Bibimbap沙律又或者菇菇前菜不過店員聽到我要叫兩份嘅時候 可能都有啲嚇親😂因為兩碟加埋可能好大份會食唔晒 其實我食到的🤫不過最後 我都係聽店員講 叫住一份先🤣試吓先我次次去餐廳食嘢都叫咁多…終於有一次嚇親人😆VeganBowl好豐富呀 澱粉質方面有軟淋淋嘅南瓜南瓜唔係十分之甜 不過勝在口感好軟綿綿🎃旁邊有富豐富維他命A/C嘅彩椒 話說我都好耐無食嚕仲有平時食沙律成日都會見嘅Kale Kale真係好好食不過我就略嫌佢有啲過鹹同埋油 可能咁啱落多咗鹽椰菜花都好好食 呢個口感啱啱好 唔會好硬咬唔開不過椰菜花都係 相對於其他蔬菜係比較油膩而我最鍾意嘅就一定係炒菇菇啦 Juicy又好食😋食完呢個Bowl之後大約70%飽啦😆夠架啦始終佢都係有澱粉質 可能再叫件蛋糕會完滿啲整體來講 食材配搭唔錯 營養豐富又好食 讚👍🏻期待堅尼地城分店都會快啲轉新餐牌 嚟食新嘢- 繼續閱讀
(以上食評乃用戶個人意見 , 並不代表OpenRice之觀點。)