鮨一 (厚福街)

營業中

休息中

今晚同個frd傾嘢，但佢又無乜胃口，日本嘢就最啱呢啲時候出場，因為我覺得無論胃口點差，魚生壽司都必定安慰到你個胃。本身之前食過呢間一次，覺得好正，因為款式夠特別又新鮮，所以帶個frd上去比佢試下。場唔算大，又要等位，不過兩位就唔駛等咁耐，比起上次，似乎已經好多人都識搵上嚟了。鮨一沙津，賣相勁靚仔，魚生有飛魚子，油甘魚，三文魚，八爪魚，同埋大蝦，每粒好新鮮！仲有中間個番茄，唔知邊個國家種植嘅番茄，味道比一般嘅都清甜多汁，食落仲好開胃，個frd都大讚。日本厚岸生蠔，超大隻，有手掌咁大，檸檬汁加海鮮醬，已經令無胃口嘅朋友食到眼都突埋，真係好誇張嘅鮮味。白子刺身，呢個係店員推介嘅時令款式，而且仲話經常缺貨，唔係成日有，白子係魚嘅精巢，高蛋白質，聞落就一啲腥味都冇，點上酸汁，口感滑嫩，食落有啲似鵝肝嘅香味。最後係薄切真名鏗，又係唔洗點wasabi嘅刺身，本人上一次已經食過，魚味香濃，脂方位味道甘香，再配上特式醬汁，鮮味到一個點，而且份量又多片，係返食嘅好推介！其實每一碟嘅賣相都相當靚仔，味道又有返咁上下，可想呢間嘅級數有幾高，值價錢亦反影質素，本人覺得間中享受下的確係好事。