心之食堂 (裝修中)

位於銅鑼灣耀華街百樂中心12樓，非常容易到達，由銅鑼灣時代廣場開始行大約3分鐘左右，就可以到達餐廳。原本對於在商廈內的餐廳嘅裝修都沒有抱太大期望，但一出lift，便見到日式木系裝修。餐廳雖然少，但係裝修別緻，餐廳有一幅大大嘅櫻花樹下鳥居，適合打卡用，而位於窗邊的座位，在窗台上放置大大小小不同的清酒，令人懷念日本旅行嘅回憶。掃了掃QR code，便開始落單了。蒜燒蟶子皇（2隻）$98蟶子皇10分巨型，肉質鮮嫩多汁，口感彈牙！原條鰻魚石鍋飯$118鰻魚非常大條，肉質豐厚，而石鍋有飯焦， 10分脆口。邪惡包（兩件） $78紫菜包住帶子刺身和燒過的鵝肝，一啖入口，帶子新鮮，鵝肝入口即溶，香味充滿住口腔，好耐都唔散， 10分回味。海膽蟹籽杯$78海膽同埋蟹籽嘅份量適中，海膽鮮甜，孩子一啲都唔腥，入口脆卜卜，入口有層次。火焰鐵板牛柳串（兩串） $88侍應在牛柳串上枱後，點火及淋上一小杯酒，令成串牛柳串立即充滿火焰，因為燒過嘅關係牛柳粒嘅肉汁被鎖着，外香內嫩。巨峰提子梳打$58味道清甜解渴，食完燒或鐵板之後飲一啖，超爽。