Trois Cafe (已結業)

今日天陰陰 搞到成個人有啲頹 無乜心情咁但係行過見到呢間咁靚嘅Cafe 吸引住我嘅目光所以我決定就算心情麻麻地都要食下啲好嘢等自己開心下！叫左餐廳嘅牛肉莎莎 真係好好味呀！牛肉味濃郁 炒到好香 再用生菜包住牛肉粒同青椒 味道辣辣地得來又好過癮！仲特別配左外脆內軟嘅番薯條 口感軟綿綿又好香甜！我仲叫埋一杯有好靚圖案嘅拉花咖啡 一啖牛肉莎莎 一啖咖啡 真係最佳嘅配搭！食完好嘢真係可以令人嘅心情變好！見到佢哋仲有其他曲奇同鬆餅都好吸引 下次一定會再嚟試哂佢🤩