南瀛水產

自從上次食過南瀛水產，喺尖沙咀想食日本菜都會諗起佢。一間主打浜燒既日式食水產店，佢嘅裝修真係有🇯🇵日本嘅感覺，侍應幫我地量完體溫，消毒雙手之後就帶我地入坐。 有幾款真係必叫😍🥢蚧味噌甲羅燒 我同媽咪都好鍾意食呢個😍蟹膏非常香濃，蟹蓋裏面有蟹膏、蟹子、蟹肉、香蔥、鵪鶉蛋 侍應會幫我地燒，唔需要擔心自己掌握得唔好 🥢帆立貝 非常鮮甜，肉質鮮嫩，熟到剛剛好 店員仲好細心，小朋友嗰個燒到全熟🥢什錦天婦羅盛合 粉漿唔會太厚，口感外鬆內軟 🥢南瀛玉子燒 厚厚既煎蛋，香濃蛋味🥢軟殼蟹沙律 軟殼蟹炸得鬆脆乾身🥢牛肉烏冬牛肉好淋，烏冬好彈牙🥢香蒜牛舌呢個同平時好薄嘅牛舌唔同，厚身得黎都爽口彈牙🥢深海池魚刺身師傅刀工好犀利切得好薄，魚片刺身好新鮮配埋特製醬汁好開胃🥢土佐豆腐外脆內軟，仲好滑添🥢清酒煮蜆蜆肉脹卜卜好肥美，無沙，配清酒煮好清甜