影片
更多
2018-07-15
395 瀏覽
🥘近年去打邊爐越嚟越注重湯底同埋食物嘅質素，所以今次朋友就約咗我去位於中環雲咸街，比較高檔次既「火鍋撚」食晚餐，佢哋既湯底非常出名，食物精緻，裝修仲好有中國古典特色！可惜訂位得5:30同8:00揀，原來7:30前埋單仲有85折添！😍蜂巢豆腐白湯鍋$128眾多湯底裏邊我揀咗佢，話晒係鎮店推介，當然要試試啦！湯底主要由豬骨、雞、蔬菜湯、忌廉同牛奶熬煮而成，而配料本身就有佢哋自家製嘅蜂巢豆腐、鴨血，仲有原條人蔘，好足料！（仲可以免費追加一份鴨血）👍🏻湯底帶點藥材味，感覺好養生😍我足足嘆咗兩碗先開始落火鍋配料， 好滿足🤤👉🏻午餐肉$49朋友點既，不過我麻麻哋所以冇試😛👎🏻美國桶蠔$158呢個係每次火鍋我都必叫既，因為我真係好鍾意食蠔架😍呢個價錢得4隻中小型size黎講確係貴！蠔味亦略嫌偏淡，有點失望😞👌🏻桂花蚌拼珊瑚蚌$128呢個都幾新鮮，不過份量少咗啲！但值得一讚係佢哋會有個溫馨提示牌教你要淥幾耐先最合適，唔使驚淥得太耐老晒！👌🏻流心鹹蛋黃豬肉丸$68佢哋嘅肉丸全部都係手工做，覺得呢個配搭幾新奇所以叫黎試吓，不過可惜鹹蛋黃味太淡，唔講完全食唔出係鹹蛋黃！有點扣分😑👍🏻頂級梅花豬肉$90賣相非
😍蜂巢豆腐白湯鍋$128
眾多湯底裏邊我揀咗佢，話晒係鎮店推介，當然要試試啦！湯底主要由豬骨、雞、蔬菜湯、忌廉同牛奶熬煮而成，而配料本身就有佢哋自家製嘅蜂巢豆腐、鴨血，仲有原條人蔘，好足料！（仲可以免費追加一份鴨血）👍🏻湯底帶點藥材味，感覺好養生😍我足足嘆咗兩碗先開始落火鍋配料， 好滿足🤤
👉🏻午餐肉$49
朋友點既，不過我麻麻哋所以冇試😛
👎🏻美國桶蠔$158
呢個係每次火鍋我都必叫既，因為我真係好鍾意食蠔架😍呢個價錢得4隻中小型size黎講確係貴！蠔味亦略嫌偏淡，有點失望😞
👌🏻桂花蚌拼珊瑚蚌$128
呢個都幾新鮮，不過份量少咗啲！但值得一讚係佢哋會有個溫馨提示牌教你要淥幾耐先最合適，唔使驚淥得太耐老晒！
👌🏻流心鹹蛋黃豬肉丸$68
佢哋嘅肉丸全部都係手工做，覺得呢個配搭幾新奇所以叫黎試吓，不過可惜鹹蛋黃味太淡，唔講完全食唔出係鹹蛋黃！有點扣分😑
👍🏻頂級梅花豬肉$90
賣相非常靚🌹係我最愛嘅玫瑰花形💕口感爽滑油花多，估計呢個應該係豬頸肉， 唔食牛嘅朋友可以試試啦！
👍🏻火鍋撚御用手切肥牛肩肉（大）$308
我同另外一位朋友都係牛魔王，所以牛肉係必須既😂店員介紹本地牛嘅味道會比美國雪花牛較濃郁，而加$50既牛肩肉更加滑，所以又試一試，淥8秒真係剛剛好！超正！
👍🏻黃沙靚豬潤$52
呢樣都係其中一樣我最愛嘅火鍋配料，入口爽脆鮮甜嘅口感真係好好味！不過一定要注意淥嘅時間，如果太耐就會變得好老好鞋架啦！
皇帝菜$$44
呢個唔係周圍都有，所以每次去打邊爐有既話我都會叫😻
三個女仔既分量💕
👍🏻腐竹糖水沙冰
作為贈送嘅甜品，呢個真係不得不讚！將腐竹糖水打成沙冰，再配埋精緻又特別既器皿， 外表已經贏咗，甜度道適中亦都真係似食緊腐竹糖水❤️一啲都唔hea!抵讚！👍🏻👍🏻👍🏻
總結：環境充滿中式古典風格，服務唔錯，食物整體都新鮮，擺盤亦精緻。屬於高檔火鍋既「火鍋撚」性價比唔算高！對男仔黎講呢個價錢、呢個份量，應該要叫好多碟先至夠食😏而我哋三個女仔一個墟，一路食一路傾係食得晒而飽嘅，不過我哋6:00先開始食，當然趕唔切7:30買單啦！雖然最後冇八五折，但食得好開心係好值得嘅❤️
張貼
