放下素 (已結業)

今日同阿媽一齊去食齋，對我哋嚟講食齋唔係因為宗教因素，純粹係只係，想食下素，就係咁簡單嘅事。 今餐我哋就係喺呢間「放下素」 開餐。食齋呢一件事，就以「齋」嚟講對我嚟講，有好多迷思 ; 傳統嘅天主教徒會守齋， 回教徒穆斯林亦有齋戒月，佛教徒會食齋，印度教徒唔食肉即係食齋，有啲冇宗教信仰嘅人都話初一、十五食齋 ; 究竟乜嘢係食齋？乜齋物齋，究竟有幾多種齋法，我唔想知亦唔想去研究。呢晚我同媽就係來食齋嘅自助餐，呢個齋自助餐有好多嘢食，有熱盤、有冷盤、有沙律、有湯、有中式、有西式、有甜品，數得出嘅都有。先食啲冷盤， 雲耳、腐皮素雞、土豆絲，都好好味。用紫心蕃薯做嘅 Scotch Egg 味道甜甜的，特別又好味，係我當晚最愛之一。忘記咗個倉個名，我冇 mark 低，我都唔係記者，但係呢個湯係用好多豆煮出嚟㗎，豆豆多多好好飲。熱盆嘅食物可以用精彩來形容，用豆做嘅漢堡扒、豆豉蒸豆腐、哥煮羅漢、阿爺豆腐、豉油炒杏鮑菇，全部都煮得色香味美，總之各有各特色 ; 有一個係用薯仔煮嘅西班牙千層麵，味道真係一流。仲有就係用一啲豆同埋海帶煮出嚟嘅糖水，好味到呢，真係一試難忘。食多舊糯米糍就啱啱好飽曬。