影片
更多
2020-06-28
1329 瀏覽
受太多香港人吹捧嘅自助餐，由於難卜位，而又要先付訂金所以一直冇機會食，而家做緊8折優惠幾抵就去試吓啦。食物種類唔算好多但我認為都足夠有幾多野食揀嘅。無生蠔供應嘅，凍海鮮有龍蝦，藍青口，蝦，小龍蝦，蜆，長腳蟹，我淨係試咗龍蝦同蟹腳，蟹腳係最好食嘅，鮮甜厚肉唔會有好鹹嘅海水味，龍蝦都OK但係肉就薄啲，蜆就太細隻完全冇興趣囉，淡水小龍蝦不了。刺身方面有北寄貝，八爪魚，有頭甜蝦，三文魚，北海道帶子，北海道帶子同甜蝦最好食而且帶子係原粒俾你嘅，好少酒店會真係成粒俾晒你通常都會片幾片咁樣。熟食方面重點講吓乳鴿滷水乳鴿好好味飽滿嘅肉汁唔會太肥而且熱辣辣好正，聽講呢間酒店嘅燒味都出名，我聽朋友講有片皮鴨但當晚就變咗做叉燒，而叉燒佢嘅醃製同調味係同我哋平時食開嘅有少少唔同而舊叉燒本身係好有肉味但係雖然係咁我哋唔覺得咁樣會特別好食。另外仲有比較乾身同埋鹹嘅牛仔骨呢樣麻麻哋。仲有師傅即場整嘅蟹肉魚子醬薄脆，雖然我男朋友話唔知食緊乜嘢，食唔到蟹肉味但係我食到魚子醬嘅鹹鮮味值得一試。另外仲有一個海螺焗葡汁海鮮呢個就真係唔知食到啲乜嘢除咗我食到一舊舊嘅粉之外我完全唔知入邊有啲乜嘢海鮮。鐵板燒方面有鵝肝，羊架，即煎
食物種類唔算好多但我認為都足夠有幾多野食揀嘅。
無生蠔供應嘅，凍海鮮有龍蝦，藍青口，蝦，小龍蝦，蜆，長腳蟹，我淨係試咗龍蝦同蟹腳，蟹腳係最好食嘅，鮮甜厚肉唔會有好鹹嘅海水味，龍蝦都OK但係肉就薄啲，蜆就太細隻完全冇興趣囉，淡水小龍蝦不了。
刺身方面有北寄貝，八爪魚，有頭甜蝦，三文魚，北海道帶子，北海道帶子同甜蝦最好食而且帶子係原粒俾你嘅，好少酒店會真係成粒俾晒你通常都會片幾片咁樣。
熟食方面重點講吓乳鴿滷水乳鴿好好味飽滿嘅肉汁唔會太肥而且熱辣辣好正，聽講呢間酒店嘅燒味都出名，我聽朋友講有片皮鴨但當晚就變咗做叉燒，而叉燒佢嘅醃製同調味係同我哋平時食開嘅有少少唔同而舊叉燒本身係好有肉味但係雖然係咁我哋唔覺得咁樣會特別好食。
另外仲有比較乾身同埋鹹嘅牛仔骨呢樣麻麻哋。仲有師傅即場整嘅蟹肉魚子醬薄脆，雖然我男朋友話唔知食緊乜嘢，食唔到蟹肉味但係我食到魚子醬嘅鹹鮮味值得一試。另外仲有一個海螺焗葡汁海鮮呢個就真係唔知食到啲乜嘢除咗我食到一舊舊嘅粉之外我完全唔知入邊有啲乜嘢海鮮。
鐵板燒方面有鵝肝，羊架，即煎安格斯牛扒近乎全熟好un唔好食，鵝肝上面層粉太厚如果層粉薄啲會相當好食。
呢間酒店嘅甜品睇得出係好用心機整而且亦都有貓山王系列嘅甜品但係某啲細節位做得唔夠好可以話係徒勞無功，我覺得好食嘅有芒果奶凍，榴槤班蘭蛋糕，榴槤網網春卷，椰子榴槤雪糕就太甜了，另外仲有貴價嘅Godiva軟雪糕，係回本之物。
另外仲有提供鮮橙汁同香茅檸檬茶味道好清新啊。
24 瀏覽
0 讚好
0 留言
10 瀏覽
0 讚好
0 留言
淮山杞子螺頭燉湯
29 瀏覽
0 讚好
0 留言
魚子醬薄脆
17 瀏覽
0 讚好
0 留言
張貼
