更多
2022-06-19
1588 瀏覽
.🔖 𝑴𝒓. 𝑺𝒕𝒆𝒂𝒌 𝑩𝒖𝒇𝒇𝒆𝒕 𝒂 𝒍𝒂 𝒎𝒊𝒏𝒖𝒕𝒆 | 𝑪𝒂𝒖𝒔𝒆𝒘𝒂𝒚 𝑩𝒂𝒚Mr. Steak Buffet相信大家都唔陌生，今次見到佢有個六月壽星優惠，四人同行一人免費，所以就決定再黎Try Try佢～👅人氣Buffet真係唔係講笑，當日星期四晚飯食第二Round (1930-2200)。我大概1915去到，一出𨋢已經企滿曬人，目測都有三、四十人排緊隊😂，好彩等左幾分鐘之後就開始安排入座墊。.每次食Buffet絕對要搵一間有生蠔嘅！🦪當日嘅生蠔都算新鮮，但普遍比較細隻。開蠔師傅幾專業，好有效率所以唔洗等好耐。因為每次淨係可以攞三隻，想食就要排多幾轉。除咗生蠔，仲有各種海鮮，蟹腳、龍蝦等等都唔少得，亦好受歡迎，食物普遍都Refill得好快。🦐.自助餐嘅另一賣點就係近江和牛～和牛總共有三款菜式，包括近江和牛火炙壽司，近江和牛鐵板燒同近江和牛關東煮。🐄 呢三款和牛非常受歡迎，長期大排長龍～ 個人認為火炙壽司最好食，塊和牛炙燒完好淋又唔會過熟，配埋個醬汁食好夾又唔會搶咗個和牛味😇。.甜品方面最欣賞嘅係心太軟，新鮮出爐真係會流心，而且朱古力味濃又唔會太甜！雪糕有Movenpic
🔖 𝑴𝒓. 𝑺𝒕𝒆𝒂𝒌 𝑩𝒖𝒇𝒇𝒆𝒕 𝒂 𝒍𝒂 𝒎𝒊𝒏𝒖𝒕𝒆 | 𝑪𝒂𝒖𝒔𝒆𝒘𝒂𝒚 𝑩𝒂𝒚
Mr. Steak Buffet相信大家都唔陌生，今次見到佢有個六月壽星優惠，四人同行一人免費，所以就決定再黎Try Try佢～👅人氣Buffet真係唔係講笑，當日星期四晚飯食第二Round (1930-2200)。我大概1915去到，一出𨋢已經企滿曬人，目測都有三、四十人排緊隊😂，好彩等左幾分鐘之後就開始安排入座墊。
.
每次食Buffet絕對要搵一間有生蠔嘅！🦪當日嘅生蠔都算新鮮，但普遍比較細隻。開蠔師傅幾專業，好有效率所以唔洗等好耐。因為每次淨係可以攞三隻，想食就要排多幾轉。除咗生蠔，仲有各種海鮮，蟹腳、龍蝦等等都唔少得，亦好受歡迎，食物普遍都Refill得好快。🦐
.
自助餐嘅另一賣點就係近江和牛～和牛總共有三款菜式，包括近江和牛火炙壽司，近江和牛鐵板燒同近江和牛關東煮。🐄 呢三款和牛非常受歡迎，長期大排長龍～ 個人認為火炙壽司最好食，塊和牛炙燒完好淋又唔會過熟，配埋個醬汁食好夾又唔會搶咗個和牛味😇。
.
甜品方面最欣賞嘅係心太軟，新鮮出爐真係會流心，而且朱古力味濃又唔會太甜！雪糕有Movenpick 同 Haagen dazs，仲有幾款其他牌子嘅雪條。其餘嘅甜品就普普通通，味道正常但沒有太驚艷。🧁整體黎講食物味道OK，但選擇唔算好多。
.
唔知係咪我身體差，當晚冇食好多野，但食完個雪糕之後就好唔舒服🤢，又痾又嘔。但同行其他人又好似冇事😂。
.
最後，想用六月壽星優惠嘅朋友記住book枱嘅時候要同佢講聲。我地之前有打電話同佢地確認使用優惠，但當晚佢全場出單嘅時候就計番正價，要我哋同番佢講先再改單。🤔 見到同場應該都幾多人慶祝生日，但未必個個都知道呢個優惠，而餐廳亦唔會主動提出。就算好似我哋一早講咗會用，張單都冇扣到，所以建議番想慶生嘅大家Check清楚張單再比錢！🫡
.
最最後，當晚世貿大廈嘅消防鐘響咗差唔多十分鐘左右，職員如常工作，亦冇向食客表示係誤鳴😂。知道誤鳴係餐廳控制範圍之外，但記得之前世貿發生過真火警就覺得危險，希望職員可以比更多指引令食客食得更安心。🤗
* Audlt per person $698
張貼
