影片
更多
2022-05-22
1474 瀏覽
約咗朋友喺中環聚一聚，閒話家常，友人提議嚟士丹利街呢間人氣輕食咖啡店「PHI Coffee & Pancake」。原來餐廳喺舊年 12 月先開幕，店舖嘅門面好搶眼，以粉紅色及白色為主調。店內嘅佈置亦別具心思，四周都放滿了乾花同植物，裝潢簡約清新，令人賞心悅目。餐廳主打多款唔同口味嘅梳乎厘 Pancake，另外亦有咖啡、法式多士、牛角包及意粉等輕食供應。先嚟一客牛油果蟹肉牛角包 ($85) 牛角包外酥脆、內柔軟，入口仲有好香嘅牛油味，水準唔錯。牛油果絲滑軟綿，味道濃厚；蟹肉一絲絲，鮮味十足；再配埋面頭嗰隻嬌艷欲滴嘅太陽蛋一齊食，簡直係人間極品！墨汁海鮮意粉 ($96) 意粉煮得啱啱好，軟硬適中，入味又唔會過腍，加上每條都掛滿了墨汁，入口充滿鮮味。配料有蝦同墨，兩款嘅質素都唔錯，食落爽口彈牙。提拉米蘇梳乎厘 ($128) Souffle 即叫即製，有三大件，份量十足。入口蛋味非常濃郁，內裡蓬鬆柔軟，空氣感極強，食落輕盈又不過膩。旁邊嘅 Tiramisu 顏值亦十分高，手指餅經浸泡後，入口充滿咖啡同馥郁嘅冧酒香。忌廉口感好滑，而且仲保留咗手指餅的脆身，甜度亦剛好。飲品點咗豆花咖啡 ($
約咗朋友喺中環聚一聚，閒話家常，友人提議嚟士丹利街呢間人氣輕食咖啡店「PHI Coffee & Pancake」。
原來餐廳喺舊年 12 月先開幕，店舖嘅門面好搶眼，以粉紅色及白色為主調。店內嘅佈置亦別具心思，四周都放滿了乾花同植物，裝潢簡約清新，令人賞心悅目。
餐廳主打多款唔同口味嘅梳乎厘 Pancake，另外亦有咖啡、法式多士、牛角包及意粉等輕食供應。
先嚟一客牛油果蟹肉牛角包 ($85) 牛角包外酥脆、內柔軟，入口仲有好香嘅牛油味，水準唔錯。牛油果絲滑軟綿，味道濃厚；蟹肉一絲絲，鮮味十足；再配埋面頭嗰隻嬌艷欲滴嘅太陽蛋一齊食，簡直係人間極品！
墨汁海鮮意粉 ($96) 意粉煮得啱啱好，軟硬適中，入味又唔會過腍，加上每條都掛滿了墨汁，入口充滿鮮味。配料有蝦同墨，兩款嘅質素都唔錯，食落爽口彈牙。
提拉米蘇梳乎厘 ($128) Souffle 即叫即製，有三大件，份量十足。入口蛋味非常濃郁，內裡蓬鬆柔軟，空氣感極強，食落輕盈又不過膩。
旁邊嘅 Tiramisu 顏值亦十分高，手指餅經浸泡後，入口充滿咖啡同馥郁嘅冧酒香。忌廉口感好滑，而且仲保留咗手指餅的脆身，甜度亦剛好。
飲品點咗豆花咖啡 ($52) 同 士多啤梨梳打 ($42)，杯咖啡好有創意，用上豆花豆奶嚟配搭 espresso。豆花富濃郁豆香，倒入濃縮咖啡，入口滑溜甘醇，每口咖啡都夾雜住細嫩綿滑嘅豆花，同平時飲開嘅咖啡，口感真係與別不同。
另外杯士多啤梨梳打賣相亦很吸引，浪漫迷人，飲落味道好 fresh，好清新，配埋杯邊嗰粒甜美嘅草莓，大滿足！
張貼
