JUST'er Bar & Restaurant

營業中

休息中

今日同朋友在尖沙咀行完街，晚飯時候嚟到佐敦呢間人氣餐廳晚飯。好多食客，真係同餐廳個牌一樣全院滿座。另外，呢間餐廳啲菜名好搞鬼，好有趣。JUSTER 科布Coob salad呢款美式沙律好有驚喜，勁大盤，材料非常豐富，顏色都幾靚。有幾款醬汁可以選擇，我哋選擇胡麻醬，帶點日式味道。材料有雞蛋，牛油果，青瓜，車厘茄，生菜，雞胸肉及煙肉絲。全部都好新鮮，雞胸肉不會嚡口，而且熱辣辣。呢個沙律真係健康又美味。MK 鰻魚蛋包飯蛋包飯上面鋪著大大塊鰻魚，鰻魚熱辣辣，正常發揮，鰻魚厚度適中。滑嘟嘟的蛋包住日本米加上鰻魚燒汁，好好佐飯。垃圾八爪魚八爪魚非常香酥，沾上美乃滋吃，好香口。炸薯條呢度嘅炸薯條特別金黃深色，原來用咗啤酒去炸，所以特別香脆，薯條還帶點香甜味。呢個薯條添番茄醬冇得輸，放久了，薯條涼了也保持香脆，超贊。曲奇馬上瘋朋友點了呢款奶昔話每口都是曲奇朱古力的香甜。真·士多啤梨奶昔飲品如其名，士多啤梨味一點都不會假，不會藥水味，奶昔香滑香甜。