坐忘 (已搬遷) 新店位置

呢間區內人氣日式食店中文名叫「坐忘」，但門口招牌只有英文名「Camper’s」，千祈唔好錯過呀‼️店舖由一對來自川崎嘅日籍夫婦主理，招牌菜係豬軟骨。餐牌超可愛，究竟係手繪定係電腦做呢❓我哋都討論咗一陣😂。我想highlight嘅係店舖註明無味精，無食品添加物，自家製醬汁。豬軟骨七小時煮野菜咖喱飯🍛 份量十足，3⃣️件軟腍入味嘅豬軟骨，果然名不虛傳，好好味。白飯混合南瓜及粟米，與別不同，加埋大量蔬菜🥬，出街食飯原來都可以咁健康。日式咖喱偏甜，食唔到辣嘅朋友唔洗擔心。黑椒燒汁牛肋骨丼牛肋骨同樣軟腍入味，微辣黑椒燒汁更係神級滋味，一試難忘❗️由於黑椒汁味道較濃，夾埋生菜一齊食就有中和效果。未食過嘅一定要嚟👍，嚟食過嘅一定會經常嚟😊。