哈豆

營業中

休息中

「哈豆」一直都聽過佢既大名，但一直冇機會去試，今次終於同朋友夾到時間，又唔洗等位，就去try try佢啦!😆一入門口就得到大黑板畫左流星花園既角色，店內裝潢簡約，主要用淺木色家俬同擺設，好似置身台灣咁呀🥰仲有貓店長陪住大家食野，不過唔知係咪疫情關係就冇放出尼啦~🍧黑冰河畔溫泉 $98刨冰份量真係好震撼，我地2個人最後係食唔曬，如果4人食就岩岩好啦! 由上至下好多層次：最頂有一球芋頭味雪糕、特濃黃豆粉花生奶蓋、仙草糖水、最後仲有芋圓同蕃薯圓。🥜花生奶蓋幾新穎，花生味非常突出，但有少少蓋過左仙草糖水味，不過鍾意食花生味既朋友就岩晒啦。🍜麻油雞湯麵線$70麵線份量多，雞湯既麻油味好香濃，飲左兩啖已經覺得好暖胃啦~不過浸左麵之後就啖左少少，我係好似沾麵咁食既🤭，雞肉都算嫰滑，入面仲有香菇粒，味道上好豐富。我自己比較中意食偏硬既麵，佢既麵對我嚟講就有啲軟得濟啦。 🍜勁爆浮誇大腸麵線 $96係香港食台灣大腸麵線真係偏貴🫤，而且男仔食既話未必夠飽肚。首先因為佢餐牌上既相+名令我地期望太大啦，所以見到實物反而有少少失望左🫣但味道上都做到台灣既味道，入面有花枝丸、貢丸同大量木魚碎同芫荽，湯底亦都好濃稠。