壽司郎 (已結業)

一直想食壽司郎，但係次次去到都見到勁多人等位就放棄左了😭最近朋友同我講原來可以喺壽司郎嘅Apps訂枱，不過要早兩個月前訂，今日我終於等到了(感動)😖去到餐廳，店員教我哋用個Apps報到左先，等左10分鐘到就可以入座🤗每台都會有一部iPad點餐，上菜速度勁快，點完5分鐘內就送到！必食系列推介:1) 蟹膏軍艦（10/10分）軍艦一邊係蟹膏一邊係蟹肉鋪喺壽司上邊，蟹膏好濃好滑，蟹肉絲好鮮甜🤗2) 火炙三文魚（10/10分）三文魚燒完勁香，食落去入口即溶，仲有浸魚油浸出嚟，魚脂分布好適中🥰 3) 最後食埋卡達拉娜甜品🍮，真係好滿足❤️今日食完之後，我已經即刻book定下次，姐係2個月後😂😂好期待呀！