創意廚房 (已結業)

藏於小巷的小店和可愛的老闆防叔一坐低就聽到老闆中氣十足嘅笑聲。鋪頭唔大，坐左五六張枱嘅客，老闆防叔同每一枱都好啱傾，同我哋講養生之道哈哈。叫左個台式肉燥飯同豆腐肉燥飯($40包飲品)，又幾好食喎，認真覺得其實同茶木quality差唔多，但呢度係平民價又唔洗排隊。-講到特別，就要講下呢度嘅飲品。有杯叫#100毛 嘅原來係蘋味奶昔，#法國水喉水 就係香檳葡萄汁，仲有杯叫「#你揸fit」，就係老闆好random咁幫你揀。最後老闆揀左杯杞子菊花蜜，又開始講解下邊樣食材對身體好😂好得意好親切！