影片
更多
2024-03-13
33 瀏覽
《Sushi N - 銅鑼灣》又到左生日月，咁啱我同車車 @kchelseapy 同樣都係三月生日，每年既呢個月份我地都會約定去食餐好既當為大家慶生😉今次就去左呢間位於銅鑼灣既Sushi N食Omakase 😋最平既套餐只須$698起，有齊前菜、三款刺身、熱食、八件壽司、味噌湯同甜品，直頭係銅鑼灣區內幾抵食既omakase啦💁🏻♀️三文魚籽蒸蛋第一樣食既通常都係蒸蛋，今次嘅蒸蛋用咗三文魚籽同埋其他海鮮製作，好喜歡三文魚籽嗰一種爽脆而咸香嘅口感，更加為個蒸蛋提鮮不少🐟刺身💁🏻♀️日本大船渡真蠔日本蠔一般都係較為肥美juicy 啲，海水味都算幾出，落少少青檸汁提味最適合，我個人會建議咬左一半食佢個原味，另一半再落青檸汁，咁就可以食到兩個口味啦💙食落口感creamy，個味喺個嘴入面可以long-lasting好耐，令人十分回味☺️💁🏻♀️間八魚刺身第二款上嘅刺身係間八魚，用咗松露酸汁同紫蘇葉花調味，味道清新而又爽口，如果喜歡紫蘇葉嗰浸味嘅話建議將紫蘇花放埋喺個刺身度一齊食，口腔入邊會有一陣好香嘅花香，而間八魚個魚肉本身較為爽口的，同酸汁味道都幾夾架💁🏻♀️慢煮鮟鱇魚肝鮟鱇魚肝用咗慢煮嘅方式，再
又到左生日月，咁啱我同車車 @kchelseapy 同樣都係三月生日，每年既呢個月份我地都會約定去食餐好既當為大家慶生😉今次就去左呢間位於銅鑼灣既Sushi N食Omakase 😋最平既套餐只須$698起，有齊前菜、三款刺身、熱食、八件壽司、味噌湯同甜品，直頭係銅鑼灣區內幾抵食既omakase啦
💁🏻♀️三文魚籽蒸蛋
第一樣食既通常都係蒸蛋，今次嘅蒸蛋用咗三文魚籽同埋其他海鮮製作，好喜歡三文魚籽嗰一種爽脆而咸香嘅口感，更加為個蒸蛋提鮮不少🐟刺身
💁🏻♀️日本大船渡真蠔
日本蠔一般都係較為肥美juicy 啲，海水味都算幾出，落少少青檸汁提味最適合，我個人會建議咬左一半食佢個原味，另一半再落青檸汁，咁就可以食到兩個口味啦💙食落口感creamy，個味喺個嘴入面可以long-lasting好耐，令人十分回味☺️💁🏻♀️間八魚刺身
第二款上嘅刺身係間八魚，用咗松露酸汁同紫蘇葉花調味，味道清新而又爽口，如果喜歡紫蘇葉嗰浸味嘅話建議將紫蘇花放埋喺個刺身度一齊食，口腔入邊會有一陣好香嘅花香，而間八魚個魚肉本身較為爽口的，同酸汁味道都幾夾架💁🏻♀️慢煮鮟鱇魚肝
鮟鱇魚肝用咗慢煮嘅方式，再喺上面加咗生椒鹽，魚肝質地幼滑creamy，食落唔會腥，生椒鹽其實食落唔辣的，係有啲似胡椒咁帶少少刺激，係幾特別既做法🔥熱食
💁🏻♀️汁煮油甘魚
油甘魚刺身就食得多啦，煮嘅油甘魚就比較少食啲，佢呢個汁甜甜地，有啲似燒汁嘅感覺，煮熟咗嘅油甘魚肉汁比較結實，但係都仲食到油香，作為食壽司前嘅熱食可以幫助改變味蕾嘅感覺🍣壽司
💁🏻♀️蜜柑鯛
等咗咁耐，終於到當晚嘅重頭戲，第一件壽司係蜜柑鯛🍊名副其實，食落有浸橙香嘅味道，基本上唔使任何調味就已經可以直接食用，師傅喺上菜前已經為客人調好味，鯛魚肉質比較實淨，魚味較為清新，帶點水果香💁🏻♀️北海道鮫鰈魚
第二件壽司係件件比較油脂豐富嘅北海道鮫鰈魚，上面仲放咗佢條油脂感爆棚既魚邊🐟一件壽司兩個口感，啱晒鍾意食油香豐富魚肉嘅人💁🏻♀️伊佐木
伊佐木魚用上簡單嘅柚子胡椒調味，魚肉味比較濃郁，簡簡單單已經可以帶出到魚肉嘅鮮味💁🏻♀️清酒蒸鮑魚
呢一個菜式我都幾有印象同埋入口好有滿足感，用清酒煮過嘅鮑魚十分濃味而且爽口彈牙，同個壽司飯一齊食味道微微酸甜，我個人覺得好好食💁🏻♀️帆立貝
每次食Omakase都會見到嘅帆立貝壽司🍣上面落咗少少竹炭鹽調味，食到帆立貝嗰種軟糯既口感同香味👍🏻💁🏻♀️北海道紫海膽
滿足感大大既北海道紫海膽🫶🏻好想成板搶左佢呀😳食落鮮甜又creamy，十分滿足💁🏻♀️大拖羅
大拖羅入口即溶，食落完全冇筋，可以睇得出師傅落咗啲功夫去令到個魚肉食落更加軟嫩，用最普通嘅壽司醬油調味就已經可以完全帶出到個油香👍🏻💁🏻♀️左口魚邊
同樣都係油脂滿滿嘅魚類，亦都係我同車車都好喜歡嘅左口魚，用火槍微微燒焦再淋上壽司醬油，入口即化嘅感覺令人回味💁🏻♀️和牛海膽手卷
師傅喺我哋面前用火槍燒香和牛肉，再喺上面放上甘甜嘅海膽，下面嘅壽司卷再用脆卜卜嘅紫菜捲起，一啖放晒入口嗰浸油香同埋鮮甜一次過喺口入邊融合，食到多層次嘅感覺，為當晚嘅壽司環節做咗個完美嘅總結💁🏻♀️蜆肉味噌湯
食完壽司之後，店員就會送上蜆肉味噌湯，飲落係白味噌嘅味道，口味較為甜少少，入面有腐皮同海帶，食完咁多油膩嘅魚類飲返個味噌湯暖暖個胃好舒服💁🏻♀️海鹽雪糕
最尾嘅甜品用海鹽雪糕作結尾，食落個口感帶冰感，有點沙沙嘅感覺，超級解☺️呢一餐十分圓滿，為起七百零蚊一個人都真係好抵食👍🏻推介推介
張貼
