影片
更多
2019-12-25
1571 瀏覽
平安夜公司放半日，同事好想食法國菜，早一日book咗位。餐廳位置近電梯好易搵，門囗擺咗甜品，入少少係high tea zone ,再入先係fine dining , 入到去侍應安排位俾我之餘，仲有安排俾我個手袋，我食過嘅餐廳只有caprice 會咁，4xx set lunch 起跳有呢個安排幾好幾唔錯。餐前包不過不失，不過有我欣賞嘅室温牛油。三個人appetizers 選咗湯，龍蝦同帶子，湯好濃好濃，雖然係廚師推介，但我覺得飲一兩啖係好味，飲晒係over ,帶子煎得好香，不過份量真係好少。中埸會提供小法包，熱辣辣，有剛焗好嘅感覺，要俾讚。main course 點咗牛，鷓鴣同魚，牛同魚都好味，但鷓鴣好腥，我食唔倒，牛側邊有脆脆同牛蒡，個汁又好特別。甜品點咗梳乎里，朱古力同raspberry, 3個都好味，三款都有雪葩，包住朱古力係脆脆，耐咗食會失色，所以鍾意影相嘅朋友要把握好時間。最後餐飲我點咗mocha ，原來有配甜點，好貼心，要讚。同waiter幾好傾，有講下餐廳嘅野，佢話原來呢度裝修要八千萬…
餐廳位置近電梯好易搵，門囗擺咗甜品，入少少係high tea zone ,再入先係fine dining , 入到去侍應安排位俾我之餘，仲有安排俾我個手袋，我食過嘅餐廳只有caprice 會咁，4xx set lunch 起跳有呢個安排幾好幾唔錯。
餐前包不過不失，不過有我欣賞嘅室温牛油。
三個人appetizers 選咗湯，龍蝦同帶子，湯好濃好濃，雖然係廚師推介，但我覺得飲一兩啖係好味，飲晒係over ,帶子煎得好香，不過份量真係好少。
中埸會提供小法包，熱辣辣，有剛焗好嘅感覺，要俾讚。
main course 點咗牛，鷓鴣同魚，牛同魚都好味，但鷓鴣好腥，我食唔倒，牛側邊有脆脆同牛蒡，個汁又好特別。
甜品點咗梳乎里，朱古力同raspberry, 3個都好味，三款都有雪葩，包住朱古力係脆脆，耐咗食會失色，所以鍾意影相嘅朋友要把握好時間。
最後餐飲我點咗mocha ，原來有配甜點，好貼心，要讚。
同waiter幾好傾，有講下餐廳嘅野，佢話原來呢度裝修要八千萬…
13 瀏覽
0 讚好
0 留言
張貼
