我愛慢煮 (孖沙街) (已結業)

係呢個繁忙嘅都市，不同大小嘅聲音都會出現，有時候都想享受一下短暫嘅寧靜。今次去左上環食飯，呢間係專整慢煮嘅食物，寧靜同慢煮係呢個情況環境變得好夾。點餐後，先來兩杯飲品，凍奶茶同水果茶，傾住計飲下野都咪話唔爽。最先到來嘅係羊後膝，肉質嫩滑，唔會有"蘇"味，好岩鍾意食羊嘅朋友仔。之後就黎埋個安格斯頂級西冷牛扒，好大舊，個調味落得岩岩好，吃落唔會韌，好易入口。仲叫左法式油封鴨髀，食落個味道有啲似臘鴨，但係無咁硬，係嫩啲，好夠味。另外仲嗌左芝士溫泉蛋大啡菇同埋炸蕃薯條，蕃薯自帶甜味，所以就咁食已經好好食，再配埋醬汁簡直係風味提升呀。呢間店好適合同啲好友或者happy hour落黎食野吹水，下次再試其他野先得。