花楽 (翩滙坊) (已結業)

今日去咗將軍澳新開嗰間donki行街 行完有啲肚餓就去咗附近海旁嘅呢間花楽日本料理度食晚餐啦餐廳晚飯時間都幾多人 用咗好多木枱凳同日式裝飾去營造氣氛 好有日本嘅感覺刺身盛 梅五點 包括有 煙佐木 金雕 金線鯛 赤身等等 全部都係日本新鮮空運到港嘅魚生 全部鮮味十足吞拿魚蓉薄脆 吞拿魚蓉份量超大 食落口好creamy 魚香味十足 配上用米通做嘅薄脆 作為前菜唔錯軟殼蟹卷 上面有超矜貴嘅金箔同黑魚子醬 仲有牛油果 入面包住蟹柳 脆炸軟殼蟹等等 口感豐富流心玉子豚肉捲 用肥瘦適中嘅豚肉包住一粒流心玉子蛋 一切開橙黃色嘅蛋汁即刻流出嚟 令人食指大動 下面加咗芋頭蓉成個配搭好有趣