影片
更多
2016-12-06
4022 瀏覽
今日有兩個同事喺從星加坡過嚟探我哋，夜晚開完會之後，我哋決定咗佢一齊去食晚飯。諗咗一陣都唔知揀乜嘢地方好，結果就由另外一個唔一齊去嘅同事提議去銅鑼灣希慎廣場嘅名館。我哋定咗 一張三人枱，去到嘅時候餐廳已經好多人啦！ 餐牌好多選擇，望左一輪， 就先點咗兩客燉湯。一個係金石斛花燉鷓鴣，另外一個就係魚頭湯。頭盤就叫了餐廳推介嘅紅燒嫩滑bb鴿，廣東特式嘅海蜇頭再加上五香牛展。 主菜就點咗廚師推介嘅蜂蜜柚子蝦球，同埋另同事提議嘅水蜜桃咕嚕肉。飲品呢我哋就點咗兩個薏米水同埋蜂蜜杞子菊花茶。坐咗十點鐘唔夠，啲菜好快已經上到嚟啦！ 賣相果然不俗 ，份量十分。啲燉湯材料十足份量，冇味精，飲落去覺得好好濃沃嘅材料味， 應該真係煲咗兩三個鐘， 平時喺香港嘅餐廳好少有機會飲湯飲到咁滿足 ， 好滋補好適合呢個秋冬嘅季節。 海蜇頭非常爽脆，陳醋醃得好入味，唔會有好似有啲餐廳咁有一啲怪味， 初次品嚐海蜇頭嘅星加坡同事亦都不斷添食。 五香牛展啲肉炆得好林，五香味入到口陣陣甘香，切得厚薄適中，多食幾塊都唔會覺得好油膩。bb鴿出咗嚟 亦頗有驚喜。乳鴿係新鮮炸好嘅，唔似好多餐廳都預先做好， 皮嘅顏色閃呤呤， 一望落去就知
坐咗十點鐘唔夠，啲菜好快已經上到嚟啦！ 賣相果然不俗 ，份量十分。啲燉湯材料十足份量，冇味精，飲落去覺得好好濃沃嘅材料味， 應該真係煲咗兩三個鐘， 平時喺香港嘅餐廳好少有機會飲湯飲到咁滿足 ， 好滋補好適合呢個秋冬嘅季節。 海蜇頭非常爽脆，陳醋醃得好入味，唔會有好似有啲餐廳咁有一啲怪味， 初次品嚐海蜇頭嘅星加坡同事亦都不斷添食。 五香牛展啲肉炆得好林，五香味入到口陣陣甘香，切得厚薄適中，多食幾塊都唔會覺得好油膩。
bb鴿出咗嚟 亦頗有驚喜。乳鴿係新鮮炸好嘅，唔似好多餐廳都預先做好， 皮嘅顏色閃呤呤， 一望落去就知道會好脆， 啲皮咬落去果然卜卜聲 ，肉又有汁又嫩滑 。結果我哋個個都想再添 ，就再多點咗一隻，因為一隻咁好味嘅乳鴿 ，四個人分實在係唔夠呀。
我哋嘅主菜有柚子蝦球同咕嚕肉都係比較，開胃醒神。蝦球 一碟有成十幾隻，啲蝦肉質爽口，價錢72蚊嚟講真係係非常相宜。試問而家喺香港，特別係銅鑼灣，隨便食一間餐廳，72蚊嘅餸又會有幾多隻蝦，仲要做得比較有水準嘅， 覺得好合理。 咕嚕肉啲外皮炸得好脆，一下子郵俾我哋ko曬啦！
最後嚐辣嘅星加坡同事點左一碗四川擔擔麵，碗麵足以我哋三個女仔分， 味道不錯，但係唔係想像中嘅四川辣味，應該係廣東落嚟啦，但係覺得呢面爽口，都算好食。仲有值得一提嘅就係呢度嘅飲品， 22蚊有杯凍飲，而份量係一個香港平時飲品嘅兩倍，真係好抵飲呀！味道嚟講亦都唔會加多太多冰，淡茂茂咁！有時一間餐廳去，食一晚飯都要點幾杯嘢飲！呢個凍飲嘅份量，就可以飲足一晚呀，真係物有所值！
多謝同事嘅好好推介，下次一定會嚟返嚟再帶屋企人一齊試食呢間餐廳嘅其他菜式！
張貼
