330
44
76
等級4
532
1
五行欠打壽司
2015-09-21 457 瀏覽
與友人上次睇鋪, 未有著落, 深深不忿, 再來研究市場動向, 順便又來食多次放題. 近排, 一、二線鋪租金微微向下, 經紀陳引路, 去睇樓上的小型鋪位. 友人決定唔租了, 直情買來自用兼投資, 準備一筆過, 用盡退休金, 睇嚟真係瞓身... 好勇....向經紀陳八掛一下, 兆萬中心地下的米蘭站, 到底值幾錢? 經紀陳側側頭, 想了想, 彈了一句: 依家時勢, 無人敢買喎, 米蘭站個鋪, 簽咗唔夠一年, 租緊45萬一個月.... 對上租客係 PCCW, 租金68萬吖....! 我們也同時.."吖"了一聲... 地產經紀, 通常都係個D型格 個D款..... 同你講: 呢個鋪好著數, 市場好少有, 叫你快D決定, 遲咗就無機會...真係好關心你, 驚你走寶囉....哈哈....  但這位經紀陳, 已經是老朋友, 對上一次, 租佐敦鋪, 都係搵佢幫手, 好老實, 又跟得足, 絕對是好人一個, 叫埋佢一齊食飯吹水......  似乎, 這商場是專做女人生意喎, 友人都係做女人生意, 他講: 女人生意好做, 只要肯花時間同佢地傾計, 生意一定做得成! 男人最麻煩, 尤其是著住西裝個D, 最鍾意講
更多
14 瀏覽
0 讚好
0 留言
 與友人上次睇鋪, 未有著落, 深深不忿, 再來研究市場動向, 順便又來食多次放題. 近排, 一、二線鋪租金微微向下, 經紀陳引路, 去睇樓上的小型鋪位. 友人決定唔租了, 直情買來自用兼投資, 準備一筆過, 用盡退休金, 睇嚟真係瞓身... 好勇....
15 瀏覽
1 讚好
0 留言
 向經紀陳八掛一下, 兆萬中心地下的米蘭站, 到底值幾錢? 經紀陳側側頭, 想了想, 彈了一句: 依家時勢, 無人敢買喎, 米蘭站個鋪, 簽咗唔夠一年, 租緊45萬一個月.... 對上租客係 PCCW, 租金68萬吖....! 我們也同時.."吖"了一聲...
10 瀏覽
0 讚好
0 留言
 地產經紀, 通常都係個D型格 個D款..... 同你講: 呢個鋪好著數, 市場好少有, 叫你快D決定, 遲咗就無機會...真係好關心你, 驚你走寶囉....哈哈....  但這位經紀陳, 已經是老朋友, 對上一次, 租佐敦鋪, 都係搵佢幫手, 好老實, 又跟得足, 絕對是好人一個, 叫埋佢一齊食飯吹水......  似乎, 這商場是專做女人生意喎, 友人都係做女人生意, 他講: 女人生意好做, 只要肯花時間同佢地傾計, 生意一定做得成! 男人最麻煩, 尤其是著住西裝個D, 最鍾意講價, 講完價又唔買.... (好彩....唔係話我, 皆因我當天係著住半件西裝啫......)
54 瀏覽
0 讚好
0 留言
 又到三樓的電梯口, 似乎已經有一間做唔住, 扮裝修了. 八幡屋果然夠特別, 照舊一點介紹也沒有, 只黑白顏色, 印上了店名而已, 好有自信心...
13 瀏覽
0 讚好
0 留言
 五時半到達, 剛開始晚市, 客少, 店員忙著打點檯面. 天氣開始轉涼, 唔飲啤酒, 先來一枝清酒, 任飲貨色, 無期望, 反而有驚喜, 我最愛的低甜度, 尚算醇, 但未夠厚, 平價貨, 算唔錯了.
10 瀏覽
0 讚好
0 留言
 未落單, 店員已經送上一碟小型製作, 五件精緻的"反卷", 店員放低, 講了一句:五行....., 便急急腳走了, 呀!..唔通...就係失傳已久既 "五行欠打壽司"...?? 五行之"金木水火土", 少了"金", 只剩四行, 而"金"...就梗係 打獲金啦... 哈哈...  我只留意最左的一件, 今次應該無失手, 從少到大, 跟父母去飲, 訓練有素, 擒拿手絕技....: 金箔海膽吞拿魚反卷, 吞拿魚為底放壽司飯面, 黃色的海膽, 粗沙表面, 百份百新鮮, 表面放了一點金箔, 華麗十足.
25 瀏覽
0 讚好
0 留言
 又out-foc...!? ...唔...唔...專登 foc 住那些櫻花與籬笆的裝飾...哈哈... 唉....係時候換相機...
9 瀏覽
0 讚好
0 留言
 每檯一碟綠色芥辣, 友人至愛, 又來一次調色活動, 把醬油與芥辣溝在一起, 撈呀撈... 那碟泥水, 直至撈到"鴨屎綠"一樣顏色, 可以食用了.... 看見也暈一暈... .. 芥辣...與我無緣, 我還是喜歡只蘸些少醬油, 食原始味道.
9 瀏覽
0 讚好
0 留言
 吞拿魚含有DHA, DHA是人體無法產生的不飽和脂肪酸, 但又是大腦所需的營養素, 所以多食無妨???? 千企唔好! 因為吞拿魚體內含水銀較高, 一次不要食多過150g.... ok! ok!... 我聽話, 只食兩片. 吞拿魚刺身, 唔算最靚, 有薄薄的根, 但入口不覺韌, 勝在新鮮, 夠凍, 仍然是佳作.
16 瀏覽
0 讚好
0 留言
 三文魚刺身, 早前流傳, 蔡瀾一文, 三文魚多蟲, 最好少吃, 確實嚇了香港人一陣子, 但香港人善忘, 加上蔡生有時都會發吓噏風, 如果三文魚真係咁危險, 醫院神早爆棚了. 其實所有魚類, 如果沒有小心新鮮保存, 都會有生蟲的風險吧.... 無論如何, 有一樣是真的, 三文魚變質, 未必可以從魚身顏色辨別, 但鮮艷度會下降, 第一啖入口, 一定知道. 眼前這件光澤有鮮香的三文魚, 絕對新鮮十足, 表層些少脂肪, 入口更覺肥美.
20 瀏覽
0 讚好
0 留言
 八爪魚刺身, 中女和中男見到都怕怕, 個個話高膽固醇, 但唔知點解, 個個都好鬼鍾意出海"釣墨魚" (所謂"釣墨魚", 其實應該是"釣魷魚", 邊有咁多墨魚比你釣吖...!?) 根據政府食安中心資料, 每100克可食用份量的"生"海產, 所含的膽固醇: 八爪魚(48mg), 墨魚(112mg), 魷魚(233mg), 八爪魚只有48mg膽固醇, 就連花蟹的膽固醇(78mg/100g)都高過佢啦... 八爪魚刺身, 勝在味道清淡之餘, 口感有咬勁, 嫩中帶脆.
13 瀏覽
0 讚好
0 留言
 虎蝦刺身, 又月稱為斑節蝦, 泰式生蝦的專用蝦種, 只不過泰國人喜歡以多種醬汁(魚露、青檸、蒜茸和辣椒等)調味. 因為虎蝦本身味道不及日本甜蝦, 所以醬料方面也寧捨強烈一些. 這些如玻璃虎蝦, 雖然蝦味比較淡, 但入口清爽, 而且彈牙, 用日本醬油, 也是尚尚之選, 如果供應埋泰式酸辣汁, 就very good 喇...
6 瀏覽
0 讚好
0 留言
 甜蝦刺身, 相比於虎蝦, 日本甜蝦有著折然不同的味道, 虎蝦鮮味夠,但不夠日本甜味的鮮甜, 相信只有北極甜蝦才可與其媲美, 北極甜蝦就是在IKEA或759都可以買到的雪藏蝦, 鮮甜度與日本甜蝦不相伯仲, 但論蝦肉的質感, 彈牙程度, 日本甜蝦, 絕對赢幾條街.
15 瀏覽
0 讚好
0 留言
 榮螺片刺身,  其實與香港食開的花螺差不多, 但花螺肉質較硬身, 榮螺則比較軟而彈口, 而且榮螺的殼很特別, 突出多枝和呈陀螺形狀. 榮螺肉切片, 肉質清甜爽脆, 味道鮮美.
11 瀏覽
0 讚好
0 留言
 鮑片刺身, 打死我都唔信, 二百蚊樓下, 會有真鮑魚片任食, 段估你都唔會信吧. 香港餐廳的所謂平價鮑片, 通常有兩大來源, 一種是鮑魚親戚的"鮑螺", 其實即是否大螺頭, 切片調味, 味道也很清甜. 另一種是素鮑片, 成份是澱粉、蒟篛粉或植物膠, 用真鮑魚的"分泌物"來調味....分泌物是甚麼!?!?  哈哈...希望無嚇親各位. 這裡的鮑片刺身好鮮甜喲....呵呵...
15 瀏覽
0 讚好
0 留言
 馬刀貝剌身, 台灣人稱做"竹蟶", 之前有報導, 關於沙灘抓"竹蟶", 用鹽洒地上, 等一陣,  竹蟶便從小洞冒出, 早前香港也有人以此抓小蟶子, 但此舉會使沙下的水質鹽度飆升數倍, 不單殺死竹蟶, 其他生物也會死亡. 馬刀貝肉質厚身, 甘甜、入口爽脆又帶些微煙韌.
16 瀏覽
0 讚好
0 留言
 油甘魚刺身, 網上講油甘魚即是鰤魚, 但據知, 日本的餐廳見過, 這兩種是不同的鮮魚刺身, 鰤魚的日文是"ブリ", 而油甘魚的日文是"ハマチ", 但查過網上資料, 油甘魚的確是屬於鰤魚品種, 要再詳細研究一下..... 油甘魚刺身是我最愛, 與吞拿魚一樣, 都是含有對腦部發展有益的DHA (這對我沒有影響吧, 我腦部應該已經停止發展好多年了...), 不但油脂多, 而且質感有黏度, 入口魚油香濃.
17 瀏覽
0 讚好
0 留言
 壽司拼盤, 黑松露油甘魚壽司: 味道怪異神秘, 但又香氣濃郁. 火灸左口魚裙邊壽司: 油脂豐富, 燒過後, 魚油滲出, 更肥美嫩口.  鰻魚壽司, 味道與口感皆好, 但決了蒲燒醬汁, 美中不足.
14 瀏覽
0 讚好
0 留言
 象拔蚌壽司, 爽滑脆口, 味道鮮甜. 近期, 拉麵達人寫了一編"壽司正確吃法", 其中一項是: "用飯來蘸醬油是毀滅壽司風味之舉", 所以, 照片是做了一個"錯誤示範", 唔通反轉去, 影舊飯比大家睇乎?! 所以 大家千企唔好學....
21 瀏覽
0 讚好
0 留言
 生蠔, 拆肉式生蠔, 應屬超平價貨, 但味道也不差, 蠔肉新鮮爽脆, 浸在一些淡而清新的微酸醬汁, 開胃提神. 無論如何, 我都係喜歡自已拆殼.....
8 瀏覽
0 讚好
0 留言
 清酒煮蜆, 中式煮蜆, 通常用調味料落鑊炒, 但日本煮蜆, 通常都是用湯水煮. 日本古代傳說: 蜆老婆 (はまぐりにょうぼう), 蚌精化身成人, 嫁給救命恩人,  每天煮飯煲湯, 丈夫好奇 湯汁如此鮮甜, 偷看如何下廚, 發現原來妻子在鍋子裡小便, 氣得趕了妻子出門. 我一邊各友人講這個十分有名的傳說故事, 一邊與友人享用這碗鮮甜蜆湯, 友人一碗, 我又一碗, 蜆湯真係好鮮甜....哈哈...
14 瀏覽
0 讚好
0 留言
 地獄汁煮螺, 用牙籤把螺肉鈎出來, 尾部深色位置是內臟, 有腥味, 不食. 螺肉彈牙軟熟, 地獄汁之名!??? 無咁誇張吓化..!? 我認為...未到地獄級數... 去到地獄門口啫, 辣度低, 最好叫多一碟"煮蜆", 放入地獄汁, 浸一浸, 味道一流.
8 瀏覽
0 讚好
0 留言
 南蠻炸雞中翼, 日本用字"南蠻"與中國不同, 中文"南蠻"是中國古代稱南方未開發地區的部族, 而日本古代所指的"南蠻"是葡萄牙和西班牙人所做的炸物 (天婦羅也是葡萄牙人傳入日本), 尤其是指蘸漿粉炸的雞肉. 這隻雞中翼, 到底有幾"南蠻"特色? 我不知道, 但質素絕對高水準, 熱度十足, 咬落超燙口, 漿粉薄薄但又脆又香口, 雪藏肉都可以做到肉質嫩滑, 好味.
15 瀏覽
0 讚好
0 留言
 椒鹽炸蟹仔, 友人喜愛的炸蟹仔, 聽佢講, 入口脆度十足, 一些炸蒜泥鋪面, 好香口, 但我對炸蟹仔無興趣, 太不人道了, 人地, sorry 唔係, .....應該係"蟹地"只係BB嚟啫, 你去炸"蟹地", 有D殘忍囉....
8 瀏覽
0 讚好
0 留言
 黃金焗蠔, 芝士半溶未溶之間, 口感軟熟幼滑, 味道濃郁, 香氣飄逸, 蠔體夠厚, 入口豐滿, 我一共食了六隻.
11 瀏覽
0 讚好
0 留言
 炸蝦天婦羅, 漿粉做得薄, 烤起皮脆, 蝦肉彈口, 但沒有蘿蔔溶, 些少失色.
15 瀏覽
0 讚好
0 留言
 鹽燒牛舌, 賣相不太好, 但水準高超, 外職燒得焦香, 內裡口感軟嫩, 洒了些黑椒, 風味十足.汁燒豚小排.
19 瀏覽
0 讚好
0 留言
14 瀏覽
0 讚好
0 留言
 只食了兩款甜品, 櫻花水信玄餅和焦糖菠蘿, 信玄餅是日本傳統用糯米粉做的小食, 多數會蘸一些黃豆粉, 這裡沒有黃豆粉供應, 反而加入了櫻花, 外表晶瑩通透, 中間櫻花只是裝飾用途, 味道淡口. 菠蘿燒得未夠時間, 但面層的焦糖薄又脆, 與菠蘿味道超夾, 小酸、多甜、香脆, Good....!!!!
38 瀏覽
0 讚好
0 留言
 近期習慣早食晚餐, 食完後回家, 休息三小左右, 出動跑一跑, 減減肥, 消消脂. 今天5時半入席, 7時未夠, 已經食飽了. 離開時, 已見全店坐滿, 果然英雄所見略同, 無揀錯地方.
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
1 已推介
    張貼
    評分
    味道
    環境
    服務
    衛生
    抵食
    用餐日期
    2015-09-19
    用餐途徑
    堂食
    人均消費
    $210 (晚餐)