88
2
0
等級4
食肉獸嘅我哋無論牛扒定燒肉都一樣咁鍾意食🐂,最近見黃埔開咗間過江龍日式烤肉店「YAKINIKU KAKURA」,於是放假就去咗食個靚午餐😝,坐低慢慢嘆。餐廳環境好舒服,面積大,座位闊落,而且設計用上木格栅作間隔,感覺好似獨立包箱,有私隱得嚟又唔拘束,氣氛好Causal☺️。同時,烤肉店其中一樣好重要嘅係抽風系統,呢度完全無問題,我哋燒足兩個鐘,個身都無咩味。餐廳採用電子落單,但亦有提供實體餐牌。店員們全部都好有禮貌,服務到位👍,而且感覺誠懇,唔係單單言語上展現出嚟。例如佢哋會主動跟進上餐進度,以及我哋換爐嘅需要。如果客人懶得燒,店員亦樂意代勞。呢度有提供午市套餐,點都抵食過單點啲啲嘅!黑毛和牛大判燒盛合($368),我自問唔係甚麼飲食達人專家,🐮但和牛嘅口感味道真係同普通牛肉完全唔同。和牛嘅油脂感真係令人有哇然嘅感覺😳!套餐包三款鹿兒島和牛,包括大判燒!黑毛和牛西冷、和牛裏腹小排以及和牛背末脊肉。大判燒!黑毛和牛西冷果然非同凡響🥩,雖然係薄切,但面積相當大,大塊過個爐面,所以一定要剪開燒。西冷油脂分佈勁靚,肥肥邊位燒起嚟更香脆🤤。餐廳奉上溫泉蛋汁沾嚟食,其實點唔點都咁正。另外兩款和牛亦各
更多
131 瀏覽
0 讚好
0 留言
食肉獸嘅我哋無論牛扒定燒肉都一樣咁鍾意食🐂,最近見黃埔開咗間過江龍日式烤肉店「YAKINIKU KAKURA」,於是放假就去咗食個靚午餐😝,坐低慢慢嘆。
41 瀏覽
0 讚好
0 留言
餐廳環境好舒服,面積大,座位闊落,而且設計用上木格栅作間隔,感覺好似獨立包箱,有私隱得嚟又唔拘束,氣氛好Causal☺️。同時,烤肉店其中一樣好重要嘅係抽風系統,呢度完全無問題,我哋燒足兩個鐘,個身都無咩味。
26 瀏覽
0 讚好
0 留言
餐廳採用電子落單,但亦有提供實體餐牌。店員們全部都好有禮貌,服務到位👍,而且感覺誠懇,唔係單單言語上展現出嚟。例如佢哋會主動跟進上餐進度,以及我哋換爐嘅需要。如果客人懶得燒,店員亦樂意代勞。呢度有提供午市套餐,點都抵食過單點啲啲嘅!
31 瀏覽
0 讚好
0 留言
黑毛和牛大判燒盛合
$368
22 瀏覽
0 讚好
0 留言
黑毛和牛大判燒盛合($368),我自問唔係甚麼飲食達人專家,🐮但和牛嘅口感味道真係同普通牛肉完全唔同。和牛嘅油脂感真係令人有哇然嘅感覺😳!套餐包三款鹿兒島和牛,包括大判燒!黑毛和牛西冷和牛裏腹小排以及和牛背末脊肉
大判燒!黑毛和牛西冷
14 瀏覽
0 讚好
0 留言
10 瀏覽
0 讚好
0 留言
大判燒!黑毛和牛西冷果然非同凡響🥩,雖然係薄切,但面積相當大,大塊過個爐面,所以一定要剪開燒。西冷油脂分佈勁靚,肥肥邊位燒起嚟更香脆🤤。餐廳奉上溫泉蛋汁沾嚟食,其實點唔點都咁正。另外兩款和牛亦各有特色,並且唔會輸比大判燒,因為牛肉稍為厚身啲,口感更滿足。
美國穀飼牛盛合
$188
11 瀏覽
0 讚好
0 留言
美國穀飼牛盛合($188),組合包牛板鍵肉腹前小排。🇺🇸美國牛同和牛喺色澤上有明顯分別,油脂雪花紋減少,不過牛味依然濃郁。其實以呢個價錢計有咁多塊正常大小嘅牛肉,即使唔係和牛,但都算抵食。食美國牛我就放膽沾枱面上嘅三款醬汁食🙈,因為和牛就始終想盡量食佢嘅原味。中間深啡色同右邊帶有醋味最淺色嘅醬汁同樣惹味,佢哋不但唔會搶味,更能襯托出烤肉嘅精髓,牛肉同醬汁夾埋有加乘嘅效果✌🏻。
牛舌
$48
10 瀏覽
0 讚好
0 留言
牛舌($48),牛舌係午餐特價追加項目,一客有四件。👅牛舌個樣好粉嫩,厚薄適中,食起上嚟有質感,但就絕對唔算韌。
壺漬KAKURA牛胸腹肉
$108
9 瀏覽
0 讚好
0 留言
壺漬KAKURA牛胸腹肉
$108
13 瀏覽
0 讚好
0 留言
壺漬KAKURA牛胸腹肉($108),呢個係單點主餐牌項目。雖然佢唔完全係肋骨位🦴,但亦都係原條上,份量超多,勁長一條!壺漬處理再配合埋餐廳預先喺肉上面界咗紋,牛肉超級入味,壺底更墊有唔少洋蔥。可能我鍾意食大啖肉嘅關係,和牛以外我最鍾意食就係佢。
9 瀏覽
0 讚好
0 留言
講返午餐,套餐就包括白飯沙律小食餐湯甜品飲品。老實講鹹嗰幾款就無乜特別,我略嫌個湯油咗啲,而沙律亦冇乜醬。不過小食係燉牛肉,就加返啲分。🍚白飯就係當中最重要,因為連埋食先唔會嘥咗啲肉汁。
辣冷麵
$38
13 瀏覽
0 讚好
0 留言
辣冷麵($38/小),本身望見午餐餐牌已經好想食,好在再揭主餐牌就見到有得單點,仲可以揀份量添,咁就唔使擔心會食唔晒。估唔到$38嘅冷麵再次冇令人失望🍜,份量其實都唔算太少,唔係嗰啲一口就食完嗰種。冷麵口感彈牙,而且配以大量餸,例如泡菜、青瓜、芽菜同蛋等,好豐富。食完熱辣辣嘅燒肉,食返碗冷麵調節味蕾都唔錯。
甜品
10 瀏覽
0 讚好
0 留言
最後就係甜品,即使係午市跟餐甜品,但都絕不馬虎。甜品用長方盒裝住,入面有冰凍嘅柚子雪葩🍨同杏仁豆腐布甸🍮,前者透心涼,而後者就比普通奶凍更加香滑。甜品正式為完美嘅一餐落幕!
13 瀏覽
0 讚好
0 留言
另外值得一提嘅係個燒爐,唔知係因為爐具仲新、唔係用咗好耐定點,佢個火候夠猛夠強🔥,而且好平均,所以自己燒都唔驚會失敗。
465 瀏覽
0 讚好
0 留言
總括嚟講,今餐簡直係五星級嘅日式烤肉體驗😋,各方面都冇令人可以挑剔嘅地方💯。餐廳行中高檔次嘅水平,定價一定唔會平,但我就覺得係物有所值。我哋今餐全部食晒牛,但其實呢度都有牛以外嘅選擇。我已經期待緊幾時再會嚟食,餐廳值得推介🌟!
345 瀏覽
0 讚好
0 留言
384 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2021-01-29
用餐途徑
堂食
人均消費
$400 (午餐)
推介美食
黑毛和牛大判燒盛合
$ 368
大判燒!黑毛和牛西冷
美國穀飼牛盛合
$ 188
壺漬KAKURA牛胸腹肉
$ 108
辣冷麵
$ 38
甜品