影片
更多
2020-05-17
67 瀏覽
疫情稍為緩和，開始多出街食飯。好彩Honbo嘅防疫意識都算高，一張長枱用膠板分開四格，就算面對面都減低感染風險。其實已經係第二次嚟，上次因為佢無晒bacon，食唔到The Gold Standard，食咗Double Cheese Burger都無令我失望。舊肉勁厚，應該足4安士，又多肉汁，食得勁狼狽。今次終於試到The Gold Standard，果然不出我所料，我一樣食到好狼狽。不過塊漢堡保持到水準，肉味夠，好juicy，同埋塊bacon唔似煙肉，似薄切鴨胸多啲，如果脆煎嗰種煙肉仲正。另外我地叫咗個Honbo，即係有兩塊2oz嘅漢堡，因為塊肉比較薄，無乜半生熟嘅位，如果唔鍾意太生嘅話，Honbo系列係好選擇，賣相似M記double cheese burger，當然味道高幾個level。佢仲有Honbo 1.5同2.0揀，分別係有3塊同4塊2oz嘅牛肉（4塊2oz會係咩概念.........）。如果唔食牛嘅都有個Grilled Chicken Burger可以揀。但始終漢堡包都係配牛肉啱啲。食Burger點可以唔配薯條，我地叫嘅cheese fries同sweet potato fr
其實已經係第二次嚟，上次因為佢無晒bacon，食唔到The Gold Standard，食咗Double Cheese Burger都無令我失望。舊肉勁厚，應該足4安士，又多肉汁，食得勁狼狽。今次終於試到The Gold Standard，果然不出我所料，我一樣食到好狼狽。不過塊漢堡保持到水準，肉味夠，好juicy，同埋塊bacon唔似煙肉，似薄切鴨胸多啲，如果脆煎嗰種煙肉仲正。
另外我地叫咗個Honbo，即係有兩塊2oz嘅漢堡，因為塊肉比較薄，無乜半生熟嘅位，如果唔鍾意太生嘅話，Honbo系列係好選擇，賣相似M記double cheese burger，當然味道高幾個level。佢仲有Honbo 1.5同2.0揀，分別係有3塊同4塊2oz嘅牛肉（4塊2oz會係咩概念.........）。如果唔食牛嘅都有個Grilled Chicken Burger可以揀。但始終漢堡包都係配牛肉啱啲。
食Burger點可以唔配薯條，我地叫嘅cheese fries同sweet potato fries份量唔算多，但食完咁大份burger其實啱啱好。即炸嘅薯條簡直係世界級，比起第一次嚟仲好食，芝士唔會太厚。蕃薯條我覺得太粗....同埋唔夠脆
Burger價錢同其他連鎖burger差唔多，而且全部即叫即整，整體而言係值得再食。
張貼
