有幸約埋友人一齊試下呢度既四道菜午餐. 可選擇以不同地點命名的菜式.
先嚟鮮果汁或白酒/紅酒一杯.
首站選了奧地利鱒魚子醬配馬鈴薯, 酸忌廉及辣根. 賣相好靚, 鱒魚子極鮮甜, 味道有點似三文魚子, 但鮮甜點. 馬鈴薯連黑色薯皮焗, 配黑色酸忌廉, 味道極配之餘仲好型.
主菜揀咗越南, 係乳豬配紫椰菜, 粉紅胡椒和蘋果, 上菜時, 心裡不禁嘩了一聲, 洗唔洗咁靚呀!?
蘋果捲著經醃製過的紫椰菜, 酸酸甜甜, 好開胃. 配以經煙薰過? 的烤乳豬. 皮脆, 肉香且嫩滑. 真係好鬼好味!! 
再來係法國的三款精選芝士, 藍芝士頗香, 但有點過鹹, 試了兩啖, 最終都放棄了.
最後的甜品揀咗鳥結糖配蛋白脆餅, 榛子及可可, 賣相不俗, 但過甜了點, 其中蛋白脆餅較可取.
還有咖啡或茶作為完美的結尾!
1
1
1
2
