陳儀興飯店 (嘉悅)

營業中

休息中

姪仔上完興趣班, 順帶佢食埋晚飯先返屋企。記起附近有間“陳儀興”, 之前買過外賣返屋企, 味道唔錯, 一於今晚堂食先。平日六點左右, 正是打工仔下班時間, 還好這段時間入座, 冇咁多人。入座隨即送上花生、汁料同埋熱茶,呢度主打潮州打冷菜, 其中滷水鵝同埋蠔餅定必要order啦!蠔餅: 估唔到份量咁多, 蠔餅加入蔥粒再沾蛋漿炸起, 即叫即炸, 雖然表面偏油, 不過極為脆身, 很有蛋同埋蔥嘅香口; 蠔仔粒粒飽滿, 富有蠔香味, 唔腥; 滷水鵝: 鵝唔算好肥, 每件連帶少少鵝肉, 肉質嫩滑, 有鵝香味, 而且入味得黎唔會過鹹, 墊底有幾件好滑嘅滷豆腐。糯米釀大腸: 將糯米釀入大腸, 切片再炸, 每件表面金黃微脆而不油, 糯米偏林, 一咬比較散, 但充滿糯米香, 沾上甜酸嘅柑橘柚, 味道更加提升。望到menu有兩款燉湯,同姪仔一人一碗, 兩款燉湯都很足料, 很有家的味道。茶樹菇杞子圓肉燉烏雞: 香菇味很出, 湯底有dd鹹, 清清地, 好滋陰。姬松茸無花果雪耳雞湯: 湯底極為清香清甜, 雪耳盡索了湯, 入味又夠林。