醉胡爐 (已搬遷) 新店位置

佐敦依頭人流唔算太多，但都有好多隱藏既好餐廳，今日去試依間open rice好多like既醉胡爐。見佢有好多海報講金翅花膠乳鴿湯，所以就叫黎試下，佢個湯非常好飲，唔會話太咸，而且好足料，絕對係物超所值。配料方面，由於自己唔太鐘意食肉，所以打鞭爐多數叫佢地配料食。叫左個芝士墨魚丸，算係平時好少食到既。都幾驚喜，推薦。另外佢地既自家製響鈴，正常發揮，唔會好熱氣，打鞭爐必備。另外叫左啲自己鐘意食既火鍋配料，埋單7百幾，食到好飽。