影片
更多
2020-05-14
207 瀏覽
我今日同女友外出行下，結果就係… 其他人都有咁嘅想法，去到啟德跑道公園，其實係好多人。到了肚餓時間，上網覓食，果然呢個郵輪碼頭係好荒廢吓 😆，見有間親子餐廳營業，就即管去試試。去到環境都相當唔錯，有唔同嘅玩具、圖書角； 甚至有兩個小型兒童遊樂組合，都幾適合同小朋友嚟放電。 因為天氣太熱，女友未諗到食乜，所以叫咗個湯開吓胃先。而我就唔想諗太多，叫咗個「陳皮紅燒獅子頭」套餐。等咗陣我個餐嚟先，細細份咁喇，味道還可，但咁嘅份量要我 $168，可能我哋無小朋友帶嚟「享用」佢哋嘅「設施」，講真感覺唔值。另外，我個套餐有啲水果搭埋，點知太新鮮了！入面有隻昆蟲仔贈送，但無福消受🤢，拿拿聲叫店員換咗去，好彩都肯...。不過奇怪嘅事情陸續發生喇… 女友order 嘅$58「乾貝海鮮豆腐羹」黎咗 🧐🧐🧐，係同我個餐嘅「 養生湯」一樣㗎 😵 。咁有乜咁奇怪先？奇就奇在，我哋落 order 時，阿姐話個湯只係一碗，問駛唔駛 order 兩碗。更加無話畀我哋知，原來個「養生湯」就係「乾貝海鮮豆腐羹」，知嘅話我地會試另一個湯，雖然可能最後都一樣 🤔？因為「養生湯」就係煮開乜咪畀乜個客囉？終於女友激到無謂口，唔再叫
去到環境都相當唔錯，有唔同嘅玩具、圖書角； 甚至有兩個小型兒童遊樂組合，都幾適合同小朋友嚟放電。 因為天氣太熱，女友未諗到食乜，所以叫咗個湯開吓胃先。而我就唔想諗太多，叫咗個「陳皮紅燒獅子頭」套餐。
等咗陣我個餐嚟先，細細份咁喇，味道還可，但咁嘅份量要我 $168，可能我哋無小朋友帶嚟「享用」佢哋嘅「設施」，講真感覺唔值。另外，我個套餐有啲水果搭埋，點知太新鮮了！入面有隻昆蟲仔贈送，但無福消受🤢，拿拿聲叫店員換咗去，好彩都肯...。
不過奇怪嘅事情陸續發生喇… 女友order 嘅$58「乾貝海鮮豆腐羹」黎咗 🧐🧐🧐，係同我個餐嘅「 養生湯」一樣㗎 😵 。
咁有乜咁奇怪先？奇就奇在，我哋落 order 時，阿姐話個湯只係一碗，問駛唔駛 order 兩碗。更加無話畀我哋知，原來個「養生湯」就係「乾貝海鮮豆腐羹」，知嘅話我地會試另一個湯，雖然可能最後都一樣 🤔？因為「養生湯」就係煮開乜咪畀乜個客囉？
終於女友激到無謂口，唔再叫嘢食，激飽咗🥺；我也快快口咁食完、埋單。點知埋單時又畀阿姐激多次。阿姐循例問下啲嘢點，既然咁就表達下喇：「其實個湯係一樣嘅話，可以提吓個客，而唔係再叫我地叫多個湯。」我哋完全無怪責嘅意見，只係想佢哋第日Serve其他客嘅時候可以留意下，唉😖。
點知… 阿姐話佢乜都唔知㗎、所有湯都係新鮮整㗎、唔知會有乜嘢湯㗎。聽完我只覺阿姐前言不對後語咁，我也懶得再同佢糾纏落去，因為阿姐只想表達，乜都唔係佢責任🤐。
Any 肥，本來對呢間餐廳都有啲期望，可以叫埋啲有小朋友嘅 friend 黎開下 P，但我諗最失望都係，阿姐將所有嘢推得一乾二淨，有不負責任嘅感覺😔，所以要帶埋小朋友嚟嘅話，我諗真係真係要三思、三思、三思。
PS，等候食物時，聽到有客投訴，話餐廳內有唔少蚊吱飛， 而阿姐嘅第一句答案居然係：唔出奇，因為呢度好近草地😵😵😵。
張貼
