北斗

營業中

休息中

生日book左間呢間餐廳食Omakase，裝修具有日本特色，廚師係日本人，食材全部都係日本空運進口，品質有保證。前菜有酸筍同蕎頭都非常爽口，酸酸甜甜好開胃，仲有塊麵包比你，原來唔係俾你食係用吸油。刺身：池魚非常新鮮配上柚子醬汁更能提鮮；帶子好大粒好新鮮，味道鮮甜；劍魚腩非常肥美濃厚。紫菜拖羅好新鮮，魚油豐富，拖羅入口即溶。生蠔係日本進口，非常鮮味creamy，配上特製日本醋好開胃。炸物：天婦羅全部揸得外脆內軟，一啲都唔油膩，仲可以保持裏面濕潤唔乾身，特別係牡丹蝦，原隻拆肉需要好高嘅技巧。燒物：蛋黃醬燒龍蝦，龍蝦肉爽口彈牙，非常新鮮，加咗蛋黃醬好嘢未。主食：牛肉蕎麥麵，牛肉好薄，蕎麥麵好爽口。甜品：來自日本嘅蜜瓜，清甜爽口。總結來說，食物質素非常高，廚師好有禮貌介紹菜式，值得推薦大家來嘗試。