北斗

營業中

休息中

九龍城近年好似愈黎愈多地道嘅日式餐廳，今次呢個大阪關西風嘅串陽omakase真係第一次食，以熟食為主嘅omakase，成個套餐總共有15款菜式，又幾過癮斗 $1380/位先付 前菜 清湯 刺身 串揚 燒物 食事 甜品入座時日本師傅有介紹枱面上嘅麵包唔係拎嚟食㗎，估下係咩🤣仲有啲漬過嘅蒜頭同牛蒡，幾爽口。✨海膽帶子刺身將帶子切開一半，再放入滿滿海膽，一啖放入口，兩種唔同嘅清甜湧出黎，再加上脆脆地嘅紫菜，口感豐富。✨ 大拖羅配鱈魚乾鱈魚乾脆到好似餅乾咁，好正。大拖羅係取自包住內臟個位，魚香味比較濃郁同埋油脂豐富。面層仲有魚子醬，增添咸香。✨令和怪物🦪師傅將生蠔擺上枱個陣，我同男朋友都o咗，勁大隻。超新鮮嘅生蠔配上酸酸地嘅醬汁，撈埋一齊食勁滿足。✨串揚牡丹蝦🍤伴碟有成個完整嘅蝦殼，好想跟師傅學下點剝殼。原隻蝦肉啖啖彈牙，炸衣薄脆，仲有蝦膏係面。✨串揚秋刀魚原來依家係秋刀魚嘅時令季節，秋刀魚好肥美肉質又滑。開頭仲怕會腥，但完全唔會。✨串揚松葉蟹肉蟹起晒肉之後撈埋蟹膏再放返係蟹蓋去炸，呢種整法又幾得意，唔使剝蟹好正。✨ 神戶A5和牛一打開蓋就有煙飄出黎，和牛好嫩滑，油脂好夠。