影片
更多
2023-03-24
62 瀏覽
omakase廚師發辦一般都係主打壽司、刺身，今次特登book左間，全港少有主打串揚既大阪關西風Omakase。一入去，枱面已準備好醬料，由右至左係：檸檬汁、芥末、豉油、椒鹽 、刺身豉油。師傅提供好香既麥茶，熱情招待。後尾發現，原來駐場呢位係渡邊師傅！食過九龍城有一間高質壽司店，渡邊屋，都係由佢主理！渡邊師傅來自北海道，但黎左香港工作接近40年，所以都識講廣東話，可以簡單廣東話交流。師傅好好人好好傾，一路食一路好熱情講解，又會介紹好多日本既文化及各樣日本既野。有時仲會寫中文或者google相片俾我地睇，等我地易明。成餐飯都交流得好開心！omakase有2種-“北”($980)、“斗”($1380),分別在於有無刺身同燒物，既然黎試，就當然一步到位試多d，揀左“斗”。🥢前菜：賣相好精緻，懷石料理style右邊係日本直運既富山灣特產螢光魷魚細細條，好鮮味可口！入口時，咬到少少好似軟骨既部份會有少少爽脆，觸鬚部份爽。肉身有點黏口感覺，咬咬下中間會爆juice勁鮮！整體鮮甜，唔使點豉油都好味。左邊既係日本產既平貝平貝來自日本東北地區，由日本即日直運，師傅新鮮即開，師傅開前仲特別俾我地睇下平貝，
今次特登book左間，全港少有主打串揚既大阪關西風Omakase。
一入去，枱面已準備好醬料，
由右至左係：檸檬汁、芥末、豉油、椒鹽 、刺身豉油。
師傅提供好香既麥茶，熱情招待。
後尾發現，原來駐場呢位係渡邊師傅！
食過九龍城有一間高質壽司店，渡邊屋，都係由佢主理！
渡邊師傅來自北海道，但黎左香港工作接近40年，所以都識講廣東話，可以簡單廣東話交流。
師傅好好人好好傾，一路食一路好熱情講解，又會介紹好多日本既文化及各樣日本既野。
有時仲會寫中文或者google相片俾我地睇，等我地易明。
成餐飯都交流得好開心！
omakase有2種-“北”($980)、“斗”($1380),
分別在於有無刺身同燒物，
既然黎試，就當然一步到位試多d，
揀左“斗”。
🥢前菜：
賣相好精緻，懷石料理style
右邊係
日本直運既富山灣特產螢光魷魚
細細條，好鮮味可口！
入口時，咬到少少好似軟骨既部份會有少少爽脆，觸鬚部份爽。
肉身有點黏口感覺，咬咬下中間會爆juice勁鮮！
整體鮮甜，唔使點豉油都好味。
左邊既係日本產既平貝
平貝來自日本東北地區，
由日本即日直運，師傅新鮮即開，
師傅開前仲特別俾我地睇下平貝，
係比較長，呈三角形，深色殼面既一種大型貝類。
日本既平貝通常用作刺身，或法國菜用。
現時為當造季節，4月後就無。
平貝厚身，食落去有嚼勁，天然咸香，越咬越出味。
師傅話佢地既材料都係自己直接由日本入口！
夜晚12點左右向魚巿落order，
3-6am魚巿場auction，
然後就可以即日坐飛機到港。
唔怪得樣樣都咁新鮮鮮味！
🥣汁物：蜆湯
壼上既湯，倒到4-5杯仔左右，
好暖心，超濃好鮮！
🦪刺身1️⃣北海道鮮蝦夷鮑
揭蓋前渡邊師傅叫我地準備好相機，
原來一開蓋會飄煙出黎！
充滿視覺享受，好有心思！
鮑魚好大隻，
已經醃好，唔使點其他醬，
感受天然既鮮甜，帶檸檬調味清新，
硬得黎帶爽脆口感。
🐟2️⃣深海池魚
師傅話，深海既水溫低，所以深海魚會肥d，
識食要食深海池魚。
食材處理上師傅將魚稍為火炙過，
外層焦香，咬落去魚油豐富，肥美新鮮！
3️⃣赤鯥魚
赤鯥魚時令當季，
又係深海魚的一種，
係高級既白身魚，有‘’白身魚中的toro‘’之美譽，
超肥美！魚皮輕輕火炙過，帶出香味！
筷子輕輕一夾，啲油都跌落嚟！
魚油超香，帶有甜味。
原來除左拖羅都有咁好味肥美既魚！
4️⃣大拖羅
用紫菜包，
又係勁肥美，
又比頭先既魚再肥d，
入口即溶，口腔充滿拖羅魚油脂香！
好食到呢！水都唔想飲呀！
5️⃣生蠔三點
生蠔、海膽、三文魚子，配柚子啫喱。
一定要一啖吮埋，連埋柚子啫喱一齊。
仲有紫蘇花，可以食埋，連埋花香，
味覺既層次豐富得黎又好夾，
配合得天衣無縫！
難以形容既美味！
🍢串揚1️⃣京都茄子
外面裹住一層薄薄的、好幼細既麵包糠，
外層好脆，伴啱啱好既椒鹽調味。
茄子上面切左菱格，盡顯刀功，
咬落爆juicy。
好似好平平無奇既食物，
估唔到可以整得咁好食。
一路食渡邊師傅又分享，
原來tempura唔係日文，亦唔係源於日本，係葡萄牙來。
🍢2️⃣北海道帶子
帆立貝，
伴明太子沙律醬。
🍢3️⃣子持昆布
呢個好特別，
係希靈魚媽媽到昆布上產卵，
所以係一串希靈魚籽，中間夾住塊昆布。
咸咸地，又脆卜卜，
咸香得黎又幾得意。
師傅勁細心呀！食完呢度菜係會即刻提供牙簽，因為有dd會痴牙罅🤣
🍢4️⃣🫑🌶京都唐辛子
不禁驚嘆佢真係炸得好靚，
個炸漿麵包糠都好好味，
可以裹實食材，咬完唔會散晒，堅勁。
呢個係日本非常有名的辣椒，一點都不辣，甘甘甜甜的甜辣。
師傅補充，100條甘長椒入面，有時會遇到有1條辣，這是大自然的奇妙。
🍢5️⃣🐟海鰻魚
即係穴子，
新鮮！真係咩都唔點都好鮮，
帶甜，好好味。
燒物：🦐芝士燒大蝦
大大隻！超厚肉！
大啖肉，肉質彈牙！
好多芝士，一粒粒好似粟米嘅原來都係芝士，好正！
食事：🍚🥣明太子茶漬飯
咸香明太子，
仲有紫蘇花香，
食埋個飯真係好飽，幸福感爆燈。
甜品：🍈靜崗皇冠蜜瓜
師傅話佢地用既係‘’皇冠蜜瓜‘’，
上網查下，原來係日本皇室既御品！
所有皇冠蜜瓜都經過嚴格評分先出品。
果然名貴！
確實好清甜，甜度高！
整個omakase享受，
望返時間剛剛好兩小時。
渡邊師傅話暫時餐廳預約可book 6至9pm入座都得。
總結呢個omakase，
老實講係驚喜到我既。
雖然無壽司，但有刺身，質素仲要好好！
加埋全港少有既頂級串揚，
呢個omakase 我覺得個variety 多d，
有耳目一新既感覺！
推介！
*以上僅供參考，話晒omakase廚師發辦，當然供應當季食物，次次唔同
張貼
