清真牛肉館 (打鼓嶺道)

營業中

休息中

清真牛肉館係區內的老字號，開業超過50年。名物係牛肉餅。來九龍城搵食，點會放過佢？😋清真牛肉餅上菜時熱辣辣，外表金黃色，牛肉餅脹卜卜，真材實料。第一啖咬落去嘅時候，有少少爆汁，醬油調味啱啱好。個皮做得夠薄身。果然係必食推介。椒鹽鮮魷鮮魷都夠大隻，鮮味彈牙。炸粉夠薄。加埋辣椒、炸蒜、椒鹽。都幾惹味。清真炒飯- 係咖喱牛腩加炒飯。咖喱牛腩飯就食得多，炒飯都係第一次。效果都唔錯。牛腩夠淋，炒飯夠乾身，索晒咖喱味同牛肉汁，幾好食。