蟹仙海鮮蒸氣鍋 (龍崗道)

營業中

休息中

前後唔止一次有朋友介紹呢間蒸氣火鍋，話老闆係海鮮入口批發商，確保拎到最新鮮既靚海鮮。隨著屯馬線開通，宋皇臺站b1/b2 出口唔洗2分鐘就行到，交通方便左好多。終於今日有機會同屋企人黎呢間分店試下。不過，大家記得book位，因為係坐滿人既，一到食都聽到有人打黎訂位。現在疫情嚴重，一黎到見阿姐用100度高溫消毒餐具，好放心。黎到決定試尊貴海鮮套餐，因唔洗諗又樣樣可以試。海鮮黎到已經忍唔住影相打卡，d蟹膏多到滿濕，日本大赤蝦大過我隻手掌，仲第一次係街見到連腸都幫你挑埋，即刻加分。而且呢到最啱我手殘人士，阿姐爭在未餵你食，服務一流，一站式幫你蒸開夾，唔洗驚overcook。一開頭條有條叫喜知次話係日本深海魚又叫海底紅寶石，即平時既一夜干，果然又滑又無咩骨。之後既鮑魚同澳洲龍蝦都彈牙爽口，青口白刀貝同月亮貝入口既時候你就知咩叫新鮮，因為爆出黎既汁你係食到海水味。再加埋蔬菜籃既鮮甜粟米同吸收左海鮮精華既鮮甜粥底甜品椰汁雪燕，真係大滿足。