影片
更多
2022-12-28
2448 瀏覽
餐廳：牛気 (旺角)地址：旺角彌敦道639號雅蘭中心二期1樓118號舖旺角雅蘭中心二期1樓呢間牛気喺第一分店，由2015年開幕到依家一直人氣旺盛，至今已經開到全港有9間店，最近佢哋轉咗新套餐，加入咗唔少新款美食，包括品質級數僅次於和牛嘅澳洲穀飼安格斯牛🐂6款牛肉放題套餐，由$200到$700都有，每日5點前入座每位仲可以減$40🎉。PRIME美國肩胛肉眼、SRF美國極黑牛、澳洲極上和牛、日本九州產黑毛和牛……牛肉款式應有盡有，配埋9款各有特色嘅涮涮鍋/壽喜燒湯底，例如我今次試嘅博多豚骨濃湯雙拼月見壽喜湯(+$10)，就可以一次過品嚐晒鹹甜兩款截然不同嘅湯底口味🍲除咗牛肉，牛気仲有多達50幾款嘢食嘢飲俾你任嗌任拎，只要90分鐘食得晒，叫多兩三轉又點話😎，你又敢唔敢過嚟挑戰自己嘅胃口？蕃茄牛肋條、汁燒牛肉、魚蛋、燒賣、仲有自家製嘅冰糖雪耳糖水、豆腐花，等緊嘢食嗰陣可以食住呢啲熟食甜品先，特別一提呢個蕃茄牛肋條惹味香濃，撈埋佢哋嘅日本產大米一齊食就一流🤤年糕腸、雜錦小籠包丸、綠茶冷麵、水蓮，呢啲平時咁少見嘅火鍋配料你又食過未？當中有唔少喺日本直送，例如日本千葉縣嘅手工拉麵🍜，真喺唔喺度度有得
地址：旺角彌敦道639號雅蘭中心二期1樓118號舖
旺角雅蘭中心二期1樓呢間牛気喺第一分店，由2015年開幕到依家一直人氣旺盛，至今已經開到全港有9間店，最近佢哋轉咗新套餐，加入咗唔少新款美食，包括品質級數僅次於和牛嘅澳洲穀飼安格斯牛🐂
6款牛肉放題套餐，由$200到$700都有，每日5點前入座每位仲可以減$40🎉。PRIME美國肩胛肉眼、SRF美國極黑牛、澳洲極上和牛、日本九州產黑毛和牛……牛肉款式應有盡有，配埋9款各有特色嘅涮涮鍋/壽喜燒湯底，例如我今次試嘅博多豚骨濃湯雙拼月見壽喜湯(+$10)，就可以一次過品嚐晒鹹甜兩款截然不同嘅湯底口味🍲
除咗牛肉，牛気仲有多達50幾款嘢食嘢飲俾你任嗌任拎，只要90分鐘食得晒，叫多兩三轉又點話😎，你又敢唔敢過嚟挑戰自己嘅胃口？蕃茄牛肋條、汁燒牛肉、魚蛋、燒賣、仲有自家製嘅冰糖雪耳糖水、豆腐花，等緊嘢食嗰陣可以食住呢啲熟食甜品先，
特別一提呢個蕃茄牛肋條惹味香濃，撈埋佢哋嘅日本產大米一齊食就一流🤤
年糕腸、雜錦小籠包丸、綠茶冷麵、水蓮，呢啲平時咁少見嘅火鍋配料你又食過未？當中有唔少喺日本直送，例如日本千葉縣嘅手工拉麵🍜，真喺唔喺度度有得食👍。
自助吧亦可以自己沖奶茶、咖啡或者日本茶包嚟飲🍵，自製雪糕或者棉花糖同樣有得玩又有得食😆，大人小朋友過嚟食飯都咁開心🥳喺出面自助吧夾夾吓嘢食，湯底同埋套餐所包嘅肉類、海鮮慢慢上枱🦐，先唔講牛肉油花鮮明均勻，每片嘅厚薄一致，最重要一啲雪藏味同埋雪種都無，色澤新鮮吸引😍。
澳洲極上和牛嘅入口即溶、
SRF美國極黑牛嘅爽韌有咬口肉質、
澳洲穀飼黑安格斯牛嘅濃郁牛肉羶香，
真喺每款牛都各有特色，自問喺牛魔王嘅你又點可以錯過🐮？
海鮮方面有大海蝦🦐、青口、水魷🦑、扇貝、花膠、
挪威三文魚刺身等，整體嚟講都算新鮮又多款式，最重要喺可以無限叫，鍾意食海鮮嘅你就啱晒😜
張貼
