蘇媽.蘇媽馬來西亞茶餐室 (已結業)

經常大排長龍嘅蘇媽.蘇媽馬來西亞茶餐室，今日終於可以食到啦😋入到嚟，店員會奉上每人一碗熱辣辣肉骨茶，台面上有張墊枱紙，會教你肉骨茶四步曲去品嚐肉骨茶，馬來西亞嘅肉骨茶（材料會有當歸、杞子、玉竹、黨參、甘草、川芎、丁香等等）所以佢藥材味會比較重啲。肉骨茶嘅好處：有溫中和胃、健脾活血、散寒袪濕、對抗疾病的作用，可以透過飲用肉骨茶補身。每人一碗就當然係唔夠喉啦，我哋另外再叫咗個肉骨茶（大雜錦），大雜錦有一字骨、豬手、雞腳、五花腩、豆卜，配埋油炸鬼同響鈴，另外加咗碗白飯肉骨茶味道濃郁，藥材味唔會太重蓋過其它嘅味道，真係好好味，一滴不留😋椰香咖央多士，甜甜地嘅椰香咖央加埋脆卜卜多士好夾好味道👍冬瓜龍眼冰唔會太甜，啱晒而家嘅天氣飲肉骨茶（大雜錦）$158白飲$18椰香咖央多士 $35冬瓜龍眼冰 $35