極尚大喜屋 (銅鑼灣廣場一期)

營業中

休息中

生日月要食好D，今次來到極尚大喜屋食放題，都真係有一段時間冇食啦！銅鑼灣分店環境都幾大，座位都幾多，自助區有多款飲品、前菜、湯、甜品等可以拎到！放題的食物在網上落單，十分方便！食放題當然要食刺身，這裡的刺身有三文魚、油甘魚、赤蝦、帶子、赤貝等可以選擇！刺身厚切而且新鮮，非常惹味！壽司方面有火炙壽司、手卷、卷物、創意壽司等，當中海膽手卷味道唔錯，卷物花之戀都好足料！熟食方面亦有多款，估唔到會有花膠、乳鴿食到，而且這裡的乳鴿皮脆肉嫩，估唔到咁好食！香草汁煮蜆味道亦很美味，蜆肉大大粒又鮮甜！牛柳粒肉質鬆軟，每次必點！燒物有鯖魚、羊架、雞翼等，當中鯖魚皮脆魚肉嫩滑，好惹味！鍋物亦有幾款可以選擇，蟹粥、牛肉鍋、牛乳海鮮鍋，蟹粥入面真係有蟹肉，十分足料！