萬豚屋

營業中

休息中

差唔多成年冇去萬豚屋，估唔到而家都仲有人排隊...結果排左超過半個鐘先入到去，仍然係一個鐘內要交枱。我叫咗沖澠風湯豚肉手打烏冬($78)，佢同石燒手打烏冬既分別係沖澠風既湯係比較濃味。今次啲菜苗夠哂多，令啲煙韌既烏冬更有口感。本來去期待佢打落去o個隻蛋，諗住趁個蛋黃未熟即刻撈上黎可以食到半熟蛋黃，但搵極都搵唔到...食到一半佢先出現但當然已經熟咗其實萬豚屋不嬲都唔係驚為天人既好味，但係自己就點都有條癮要再去...因為幾鍾意佢個湯同埋佢啲入口即溶既肥豬肉。況且近排周圍都興食拉麵，比較鍾意食烏冬既我已經好難搵到人陪我食烏冬....不過呢次之後應該好一段日子都唔會再食萬豚屋喇。