Walter Bistro (智選假日酒店) (已結業)

今次由觀塘友帶路，竟然係商廈區裡面有間Holiday Inn Express，入面既半自助buffet仲性價比極高，原價$458一位，第二位有半價，即係除返開每人只需$3百幾蚊就食到buffet。餐廳用左tiffany blue做主色，一入到去感覺好柔和，樓底好高，完全冇壓迫感除左自助餐區任食之外，每位仲包一份主菜，可以選牛扒或魚，每人仲包一隻大閘蟹同埋一盅花旗蔘燉湯。自助餐區食物款式都唔少，刺身有3款，三文魚、吞拿魚同帶子，壽司都有好幾款選擇，非常新鮮。而且最重要既係有生蠔任食，生蠔唔算太大隻，但非常鮮甜。熱食方面有蜆、豬手、燒鵝、雞、意粉等，仲有一般既沙律、麵包、冷盤。甜品非常特別，除左一般蛋糕、生果之外，雪糕方面真係估佢唔到，除左有豆腐同藍莓味之外，仲有二八味雪糕、紅棗茶雪糕同埋龜苓膏雪糕。