滿屋日本料理 (已結業)

對上一次食滿屋已經係半年前了，今次喺銅鑼灣行完街想食放題，所以決定再食滿屋😛今次食8:30嗰節，人唔算好多，服務員安排我地坐最入嘅位置，又靜又夠闊落，可以慢慢享受個放題！一開始緊係食刺身先啦！呢度啲刺身選擇都多，個人最鍾意三文魚，帶子，同埋油甘魚。三文魚夠厚切同夠香，推介推介！壽司有好多款選擇，最特別係有空運嘅壽司，叫左個中拖羅壽司同北海道赤鯛壽司，呢啲平時少啲機會食，所以當然係必點啦！天婦羅真係值得一讚，天婦羅蝦，天婦羅南瓜同海鰻天婦羅都好好味！熱辣辣上枱，個皮唔厚，真係食多幾舊都唔會飽！其他熱食都好好味，最特別係炸香蕉同榴槤炸彈，兩個個皮都唔厚味道好香，炸帶子個皮就有少少厚，所以同友人只係ENCORE左炸香蕉同榴槤炸彈呢兩樣😝😝仲有不得不提嘅特色飲品！呢度除左一啲罐裝飲品之外，仲有四款特色飲品，我就叫左杯藍糖荔枝梳打，夠凍，唔會話好甜荔枝味夠濃，食到濟濟地用黎解濟係一個唔錯嘅選擇！另外甜品有個甜品櫃之外仲有白朱古力噴泉同埋棉花糖機，棉花糖機今次我食得太飽無食到，下次有機會會試下😬整體黎講滿屋放題都係無令我失望！